अख्तियारद्वारा पोखरा स्वास्थ्य विज्ञान प्रतिष्ठानको कागजात नियन्त्रणमा

कान्तिपुर संवाददाता

पोखरा — उपकरण खरिद र सामाजिक सेवा एकाइ सञ्चालनमा अनियमितता भएको उजुरीका आधारमा अख्तियार दुरुपयोग अनुसन्धान आयोगले पोखरा स्वास्थ्य विज्ञान प्रतिष्ठानको कागजात नियन्त्रणमा लिएको छ । अख्तियारको पोखरा कार्यालयले आइतबार छानबिनका लागि भन्दै प्रतिष्ठानअन्तर्गत पश्चिमाञ्चल क्षेत्रीय अस्पतालको कागजात नियन्त्रणमा लिएको हो । 

अख्तियार पोखरा कार्यालयका सूचना अधिकारी मेघनाथ रिजालका अनुसार गतवर्ष एमआरआई मेसिन खरिदमा अनियमितता भएको उजुरी परेको थियो ।

सामाजिक सेवा एकाइ सञ्चालनका विषयमा आर्थिक चलखेलको उजुरी छानबिन गर्न भने कागजात नियन्त्रणमा लिन नपाएको उनले बताए । प्रतिष्ठानका उपकुलपति बुद्धिबहादुर थापा काठमाडौं रहेकाले उनी आएपछि कागजात बुझाउने जानकारी प्राप्त भएको उनले सुनाए ।

अस्पतालभित्र सामाजिक सेवा एकाइ सञ्चालनका लागि अस्पतालले असार २३ मा सार्वजनिक सूचना जारी गरेको थियो । चार गैरसरकारी संस्थाले निवेदन दिएका थिए । एकाइ सञ्चालन गर्ने अधिकार अस्पतालका निर्देशकको हुने व्यवस्था छ ।

अस्पताल व्यवस्थापन समितिलाई बेवास्ता गर्दै डिनको संयोजकत्वमा बनाइएको समितिले आर्थिक चलखेल गरेको उजुरी अख्तियारमा परेको थियो । एकाइ सञ्चालनका लागि असल छिमेकी सहयोगी संस्था (गोनेसा), कोपिला नेपाल, कम्युनिटी सपोर्ट ग्रुप र टिम लिडर लोकल अर्गनाइजेसन (टोली) समेतले आवेदन दिएका थिए ।

प्रकाशित : श्रावण २०, २०७६ २०:१८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

एनआरएनए युरोप बैठक : भ्रमण वर्षलाई सघाउने समझदारी

कान्तिपुर संवाददाता

इटली — गैर आवासीय नेपाली संघ (एनआरएनए)ले भ्रमण वर्ष २०२० कार्यक्रमसँग सहकार्य गर्ने गरी सहमतिपत्रमा हस्ताक्षर गरेको छ । गत शुक्रबारबाट इटालीस्थीत रोममा भएको १२ औं युरोप बैठकले भ्रमण वर्षलाई सघाउने गरी भ्रमण वर्ष २०२० का संयोजक सुरज वैद्यबीच सहमतिपत्रमा हस्ताक्षर गरेको हो । 

बैठककै अवसरमा गैरआवासीय नेपाली संघ र नेपाल भ्रमण वर्ष २०२० बीच सहकार्य गर्ने सहमति पत्रमा हस्ताक्षर समेत भएको छ ।घोषणापत्रमा गैरआवासीय नेपालीमाझ भिजिट नेपाल २०२० को औपचारिक सुरुवात समेत भएको उल्लेख छ ।

एनआरएनएले नेपालको हवाइ कम्पनीहरुलाई युरोपेली संघ (ईयू) को कालोसूचीबाट हटाउन पहल गर्ने जनाएको छ । ‘नेपाली हवाइ कम्पनीहरुलाई आफ्नो सेवा युरोपसम्म विस्तार गर्ने वातावरण बनाउन नेपाल सरकारलाई अनुरोध गरिन्छ,’ घोषणामा भनिएको छ । भ्रमण वर्षमाथि थप ऐक्यबद्धता जनाउँदै यो अभियानमा होमिन गैरआवासीय नेपालीहरुलाई बैठकले आहृवान समेत गरेको छ ।
यस्तै, बाढी पीडितको सहयोगको लागि एनआरएनएका तर्फबाट प्रधानमन्त्री दैवी प्रकोप उद्धार कोषमा ५१ लाख रुपैयाँ सहयोग गर्ने निर्णय पनि बैठकले गरेको छ ।

प्रकाशित : श्रावण २०, २०७६ २०:०८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT