बाढीले ४५ पुलमा क्षति 

विमल खतिवडा

काठमाडौँ — बाढीले गर्दा देशभरका ४५ वटा पुलमा क्षति पुगेको छ । सडक विभाग अन्तर्गत पुल महाशाखाका अनुसार क्षति पुगेका पुलको कतै मर्मत गरेर त कतै बिना मर्मत नै सञ्चालनमा ल्याइएको छ । 

सबैभन्दा बढी पूर्व पश्चिम राजमार्ग अन्तर्गत महोत्तरीको बर्दिबासस्थित भाब्सी पुलमा क्षति भएको छ । पुल महाशाखाका प्रमुख दीपक भट्टराईका अनुसार ४७ करोड ३४ लाख बराबरको क्षति भएको छ ।

सबै भन्दा बढी क्षति सडक डिभिजन कार्यालय झापा अन्तर्गतका पुलमा भएको छ । जहाँ ७ वटा पुलमा २ करोड ३५ लाखको क्षति भएको छ ।


प्रकाशित : श्रावण २९, २०७६ १८:०२
ADVERTISEMENT
ADVERTISEMENT
प्रतिक्रिया
पठाउनुहोस्

श्रीलाई अन्तर्राष्ट्रिय उडान अनुमति

सुरज कुँवर

काठमाडौँ — क्यानेडियन बम्बार्डियर कम्पनीका सीआरजे जेट विमानबाट ६ वटा आन्तरिक रुटमा उडान भर्दै आएको श्री एयरलाइन्सले अन्तर्राष्ट्रिय उडान अनुमति पाएको छ ।

श्रीका प्रबन्धक अनिल मानन्धरका अनुसार, संस्कृति पर्यटन तथा नागरिक उड्डयन मन्त्री योगेश भट्टराईले श्रीलाई नियमित उडानका लागि भारतको दिल्ली, कोलकाता, बैंङ्लोर र अहमदावाद तथा बंगलादेशको ढाकामा नियमित उडान अनुमति प्रदान गरेका हुन् । ६ महिनाअघि श्रीलाई यसै मन्त्रालयले चार्टर उडानको अनुमति दिएको थियो ।

‘बुधबार मन्त्रालयको अनुमति प्राप्त गर्‍यौं, अब चाँडै नियमित उडानका लागि अन्य सबै प्रक्रिया सकेर नियमित उडानको तालिका सार्वजनिक गर्ने छौं,’ प्रबन्धक मानन्धरले कान्तिपुरसँग भने । दुई वर्षदेखि काठमाडौंबाट भद्रपुर, विराटनगर, राजविराज, भैरहवा, नेपालगन्ज र धनगढीमा व्यावसायिक उडान गर्दै आएको निजी क्षेत्रको सबैभन्दा कान्छो श्री एयरलाइन्सले सोमबारमा काठमाडौंदेखि भारतको बनारसमा परीक्षण उडान सकेको थियो । श्रीसँग क्यानेडियन बम्बार्डियर कम्पनीका ५० सिट क्षमताका दुइटा सीआरजे–२०० र ७० सिट क्षमताका दुइटा सीआरजे–७०० जेट विमान छन् ।

यसले आन्तरिक उडानका लागि दुइटा टर्बोप्रोप बम्बार्डियर ड्यास ८–क्यू ४०० विमान पनि खरिद गरिसकेको छ । तर, ती विमान नेपाल ल्याउने अन्तरदेशीय रुट अनुमतिका कारण क्यानडामै छन् । श्री हाल बुद्ध र यतिपछि सर्वाधिक यात्रु सेवा दिने तेस्रो कम्पनी हो । २० वर्षअघि हेलिकप्टरबाट सेवा थालेको श्रीसँग ६ वटा एमआई १७ र दुईटा एयरबसका बीथ्री गरी ८ वटा हेलिकप्टर छन् । हेलिकप्टरमा अन्तर्राष्ट्रिय चार्टर उडान अनुमति प्राप्त गर्ने यो पहिलो कम्पनी हो । हाल यस्को एउटा हेलिकप्टर अफ्रिकामा संयुक्त राष्ट्र संघले उडाइरहेको छ ।


प्रकाशित : श्रावण २९, २०७६ १७:५१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT