प्रधानमन्त्री निवास नजिकै धर्ना

रासस

काठमाडौँ — संविधानको मर्म र समानुपातिक समावेशी सिद्धान्तविपरीत लोकसेवा आयोगले प्रकाशन गरेको विज्ञापन रद्द गर्नुपर्ने मागसहित बुधबार प्रधानमन्त्री निवास नजिकै धर्ना दिइएको छ ।

उक्त विज्ञापन संविधान, कानुन तथा सामाजिक न्यायको सिद्धान्तको प्रतिकूल भएको भन्दै आदिवासी, जनजाति र दलित समुदायका अगुवाहरुले बुधबार बिहान १२ बजे बालुवाटारस्थित प्रधानमन्त्री निवासअगाडि धर्ना दिएका हुन् ।

आयोगले जेठ १५ गते स्थानीय तहका लागि विभिन्न सेवा र समूह छुट्याएर प्राविधिक र अप्राविधिक पदमा जम्मा नौ हजार १६१ जनाको खुल्ला प्रतिस्पर्धाद्वारा पदपूर्तिको विज्ञापन गरेको थियो । उनीहरुले विज्ञापन रद्द गरी आरक्षण सुनिश्चित गरिएको विज्ञापन पुनः प्रकाशित गर्नुपर्नेसमेत माग गरेका छन् ।

संविधानको धारा ३८ उपधारा (४), धारा ४० र धारा ४२ उपधारा (१) ले समानुपातिक समावेशी सिद्धान्त र धारा १८ उपधारा (३) को प्रतिबन्धात्मक वाक्यांशले पछाडि पारिएका वर्ग, समुदायलाई विशेष व्यवस्था अवलम्बन गर्नु भन्ने व्यवस्था गरेको छ । अधिकारकर्मी भक्त विश्वकर्माले आयोगले उत्पीडित समुदायलाई पाखा लगाउने उद्देश्यले असमावेशी विज्ञापन प्रकाशन गरेको भन्दै आपत्ति जनाए ।

प्रकाशित : श्रावण २९, २०७६ १८:२४
प्रतिक्रिया
पठाउनुहोस्
ADVERTISEMENT

बाढीले ४५ पुलमा क्षति 

विमल खतिवडा

काठमाडौँ — बाढीले गर्दा देशभरका ४५ वटा पुलमा क्षति पुगेको छ । सडक विभाग अन्तर्गत पुल महाशाखाका अनुसार क्षति पुगेका पुलको कतै मर्मत गरेर त कतै बिना मर्मत नै सञ्चालनमा ल्याइएको छ । 

सबैभन्दा बढी पूर्व पश्चिम राजमार्ग अन्तर्गत महोत्तरीको बर्दिबासस्थित भाब्सी पुलमा क्षति भएको छ । पुल महाशाखाका प्रमुख दीपक भट्टराईका अनुसार ४७ करोड ३४ लाख बराबरको क्षति भएको छ ।

सबै भन्दा बढी क्षति सडक डिभिजन कार्यालय झापा अन्तर्गतका पुलमा भएको छ । जहाँ ७ वटा पुलमा २ करोड ३५ लाखको क्षति भएको छ ।


प्रकाशित : श्रावण २९, २०७६ १८:०२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT