नेकपा केन्द्रीय समिति बैठक माघ १५ गतेका लागि सार्ने सचिवालयको निर्णय
काठमाडौँ — नेकपाको सचिवालय बैठकले केन्द्रीय समिति बैठक १५ माघसम्म सार्ने निर्णय गरेको छ ।
प्रधानमन्त्री निवास बालुवाटारमा आइतबार बसेको सचिवालय बैठकले पूर्वनिर्धारित मितिबाट केन्द्रीय समिति बैठक सार्ने निर्णय गरेको हो ।
यसअघि स्थायी समितिको बैठकले पुस २३ गते केन्द्रीय समिति बैठक गर्ने निर्णय गरेको थियो । तर, आइतबार बसेको सचिवालय बैठकले तयारी नपुगेको भन्दै बैठक सार्ने निर्णय गरेको सचिवालय स्रोतले बताएको छ ।
सचिवालय बैठकमा प्रधानमन्त्री तथा पार्टी अध्यक्ष केपी शर्मा ओली, अर्का अध्यक्ष पुष्पकमल दाहाल, महासचिव विष्णु पौडेल, रक्षामन्त्री ईश्वर पोखरेल, वामदेव गौतम लगायतका सचिवालय सदस्यहरुको उपस्थिति थियो ।
प्रतिक्रिया