नेकपा स्थायी कमिटी बैठक फेरि स्थगित

यसअघि सोमबारका लागि तय भएको बैठक बुधबारका लागि सारिएको थियो । मन्त्रिपरिषद्को सिफारिसमा राष्ट्रपति विद्यादेवी भण्डारीले बिहीबार दिउँसो संघीय संसद्को अधिवेशन अन्त्य गरेसँगै असार १० गतेदेखि जारी स्थायी कमिटी बैठक पनि प्रभावित भएको थियो । १७ गते करिब एक घण्टा बसेर स्थगित भएको नेकपा स्थायी कमिटी बैठक त्यसयता पटक-पटक स्थगित गरिएको छ ।

नेकपा अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहालबीच सहमतिका लागि भन्दै पटक-पटक छलफल भए पनि निष्कर्षमा पुगेको छैन । स्थायी कमिटी बैठकअघि सहमतिको अधिकतम प्रयास खोज्ने भन्दै बैठक स्थगित गरिएको बताइएको छ ।

प्रधानमन्त्री केपी शर्मा ओलीले दुवै पद नछाड्ने अडान दोहोर्‍याएपछि विवाद झनै बढेको छ । दाहाल–नेपाल समूह ओलीले एउटा पद छाड्नु पर्ने अडानमा छन् ।

सम्बन्धित समाचार

• ओली-दाहाल छलफल निष्कर्षविहीन