अस्पष्ट जेब्रा क्रस

माघ २, २०७५कान्तिपुर संवाददाता

काठमाडौँ — कान्तिपुरमा शनिबार ‘जेब्रा क्रसमा नै जोखिम’ भन्ने समाचार छापिएको छ । सडक दुर्घटनामा पर्नुको एउटा कारण जेब्रा क्रस सफा नदेखिनु हो ।

कतिपय स्थानमा जेब्रा क्रस राम्ररी नदेख्दा बाटो काट्ने सर्वसाधारणलाई समस्या हुन्छ । चालकहरू जेब्रा क्रसमा गाडी नरोकी हुत्याएर लान्छन् र दुर्घटना हुने गर्छ । राजधानीका धेरै ठाउँमा जेब्रा क्रस प्रस्ट देखिने बनाउन जरुरी छ । दुर्घटना बाजा बजाएर आउँदैन, मानिसकै ससानो गल्तीले हुने हो ।