अपसकुनको संकेत

अनियमिततामा मुछिएकालाई राज्यले राजीनामाको बहानामा कारबाही नगर्ने परिपाटी भविष्यका लागि अपसकुनको संकेत हो । यसले राष्ट्रलाई बर्बाद पार्छ । राष्ट्रको समृद्धि एकादेशको कथा बन्न पुग्छ । अनियमिततामा मुछिएर राजीनामा दिँदैमा उन्मुक्ति दिने परिपाटी बनाउन हुँदैन । यस्तो प्रवृत्ति वृद्धि हुँदै गएमा दण्डहीनताले प्रश्रय पाउँछ । दण्डहीनता कानुनी शासनको एक नम्बर शत्रु हो । राजीनामा दिएपछि छानबिन गरी कारबाही चलाएमा दण्डहीनता घट्दै जान्छ । दण्डहीनता घट्नु राज्य बलियो भई कानुनी शासनको अवधारणाले मूर्तरूप पाउनु हो । जनअपेक्षा छ ।
–महेन्द्रमान श्रेष्ठ ॅव्यथित’, पोखरा