८ घण्टा काम गर्ने प्रावधान

संसारका सबैजसो देशमा हप्ताको ५ दिन काम र २ दिन बिदा दिने चलन छ । नेपालमा सरकारी कर्मचारीलाई ५ दिनका ७ घण्टा र शुक्रबार ५ घण्टा गरी हप्ताको ४० घण्टा काम गर्ने चलन रही आएको छ । बहाल श्रम ऐनअनुसार श्रमिक र कर्मचारीले निजी कम्पनीहरूमा दैनिक ८ घण्टा कार्य गरी हप्ताको ४८ घण्टा तोकेकाले सोहीअनुरूप निजी क्षेत्रका श्रमिक र कर्मचारीले हप्ताको ४८ घण्टा कार्य गर्न परिरहेको छ तर अन्तर्राष्ट्रिय मान्यताअनुरूप हप्ताको ४० घण्टा मात्र काम लगाउन पाइन्छ । त्यसैअनुरूप सरकारले हप्ताको ४० घण्टाको मापदण्ड राखेको छ । नेपालमा निजी क्षेत्रमा हप्ताको ४८ घण्टा कार्य गर्ने समय सरकारको कार्य समयसँग बाँझिएको छ ।
–सुमनकुमार रेग्मी, लपु–१, कुपन्डोल