तरुल व्यापारको चटारो, किलोकै ३ सय रुपैयाँ !

शब्द/तस्बिर :सुरविन्द्रकुमार पुन

काठमाडौँ — माघी पर्व नजिकिएसँगै राजधानीको कालीमाटीस्थित तरकारी तथा फलफूल बजारमा तरुल व्यापारको चटारो लागेको छ । विभिन्न थरीका तरुल अहिले कालीमाटी बजारमा बिक्रीवितरण भइरहेको छ ।


प्रकाशित : पुस २८, २०७५ १४:१५

राजधानीमा मुख्य गरी सर्लाहीमा उत्पादन भएको तरुल भित्रिने गरेको छ । पाल्पा, अर्घाखाँची, चितवन, नवलपरासी, मकवानपुर, धादिङ, सिन्धुली, गोरखा, झापा, नुवाकोट लगायतबाट पनि काठमाडौं उपत्यकामा तरुल भित्रिने गरेको छ ।

ढकको हिसाबमा तरुलको कारोबार भइरहेको छ । एक ढक बराबर ५ किलो मानिन्छ । होलसेल भाउमा कम्तिमा पनि एक ढक खरिद नभई तरुल बेचिँदैन । सस्तोमा प्रतिढक बराबर १ सय ८० देखि सबैभन्दा महँगो १५ सय रुपैयाँसम्मका तरुल कालीमाटी बजारमा किन्न सकिन्छ । तरुलसँगै बजारमा सखरखण्ड, स्कुसको जरा, पिँडालु पनि पाइने गरेको छ । बिक्रेताका अनुसार घर तरुल सस्तो र सुलभ भएकाले पनि यसप्रति उपभोक्ताको आकर्षण बढेको छ । निम्न आयस्तर तथा मध्यमवर्गका उपभोक्ताले घर तरुल बढी किन्ने गरेका छन् । सिमल तरुलले शरीरको सर्दीको मात्रालाई थप बढाउने हुँदा यसप्रति उपभोक्ताको रुचि कम देखिएको मानिन्छ ।

मुख्यत: पहाडी जिल्लाका वनमा पाइने वन तरुल नितान्त अर्गानिक मात्र नभई सुलभ रुपमा बजारमा नपाइने हुँदा यसको बजार भाउ अकासिएको छ । वन तरुल खोज्ने, खन्ने, संकलन गर्ने कार्य निकै कठिन हुन्छ । संकलक, विविध थरिका बिचौलिया हुँदै बजारमा बिक्रेताकहाँ आइपुग्दा होलसेल भाउमा पनि वन तरुलको भाउ यसरी बढेको हो । सहरमा हुनेखाने वर्गले मूल्य प्रवाह नगरी स्वास्थ्यकै लागि पनि वन तरुल किन्ने गरेको पाइन्छ ।

वन तरुल । एक ढक वन तरुलको होलसेल १५ सय रुपैयाँमा किनबेच भइरहेको छ।

तरुललाई खासगरी उसिनेर खाने गरिन्छ । झन्झन् विकसित हुँदै गइरहेको आधुनिक चिकित्सा विज्ञानको जमानामा पनि चिकित्सकहरुले उसिनिएर खाने बानी बसाल्न आफ्ना बिरामीहरुलाई सुझ्याउने गरेको सन्दर्भमा तरुलप्रति पनि आमउपभोक्ताको चाख बढेको हो ।

तरुलमा पर्याप्त मात्रामा कार्बोहाइड्रेट र खनिजको मात्रा पाइने गरेको यससँग सम्बद्ध विज्ञहरुको राय छ । यसमा भोजनलाई सन्तुलनमा राख्न सक्ने फाइबरको मात्रा पनि हुने भएकाले तरुल एक स्वास्थ्यवर्द्धक र बहुपयोगी कन्दमूल हो ।

ADVERTISEMENT
प्रतिक्रिया
पठाउनुहोस्

डा.केसीको अनशन सदाको लागि अन्त गर्न सरकारसँग माग

अतुल मिश्र

काठमाडौँ — नेपाल चिकित्सक संघले चार दिनदेखि इलाममा सत्याग्रह गरिरहेका प्रा.डा.गोविन्द केसीको आमरण अनशनलाई सदाको लागि अन्त गर्ने सुनिश्चित वातावरण तयार गर्न सरकारसँग माग गरेको छ।

चिकित्सक संघले शनिबार विज्ञप्ति जारी गर्दै सरकारसँग उक्त माग गरेको हो।

डा. केसीसँग सरकारले पटक-पटक सम्झौता गरे पनि त्यसलाई कार्यान्वयन गर्नुको सट्टा उनलाई चिढाउने गतिविधिहरु गरेर राष्ट्रिय तथा अन्तर्राष्ट्रियस्तरमा सरकारको गरिमा र प्रतिष्ठामाथि नै आँच पुर्‍याएको संघले जनाएको छ।

डा. केसी १६ औं पटक अनशनमा बस्दा उनको शारीरिक अवस्था अत्यन्त कमजोर रहेको र जनुसुकै बेला अप्रिय घटना हुन सक्ने तर्फ सचेत सरकराले जीवन रक्षाका निम्ति विशेष पहल गर्न समेत चिकित्सक संघले माग गरेको छ।

प्रकाशित : पुस २८, २०७५ १३:४९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT