६ वर्षपछि धुन्चेमा हिमपात (फोटोफिचर)

शब्द/तस्बिर : बलराम घिमिरे

रसुवा — शनिबार बिहान सदरमुकाम धुन्चेलगायत जिल्लाको उच्च हिमाली भूभागमा बाक्लो हिमपात भएको छ  । ६ वर्षपछि सदरमुकाम धुन्चेमा बाक्लो हिउँ परेको हो । धुन्चेका स्थानीयमात्र होइन कर्मचारी, यस क्षेत्रमा घुम्न आएका पर्यटक पनि हिँउ खेल्नमा व्यस्त थिए । पहिलोपटक हिउँको अनुभव गर्न पाउँदा एकदमै रमाइलो भएको धुन्चेका स्थानीय रितु घलेले बताइन् । हिउँसँग खेल्ल पाउँदा बालबालिका धेरै खुसी देखिए । हिउँले एक अर्कालाई हानाहान गर्ने सेल्फी खिच्ने, फोटो खिचेर रमाइलो गर्ने धेरै थिए ।

प्रकाशित : माघ २६, २०७५ १८:०२

हिमपात र वर्षाको कारण जिल्लाको उत्तरी क्षेत्रमा धेरै जाडो बढेको छ । हिमपातका कारण चिसो बढेर उत्तरी भेगका स्थानीय बासिन्दाको जनजीवन प्रभावित भएको छ । जिल्लाको उत्तरी भेग लाङटाङ, क्याङजीन, गोसाइँकुण्ड, धुन्चेको लेक, ठूलोस्याफ्रु, ब्राबल, थुमन, गतलाङ, ठूलो हाकु, ग्रे, बृद्धिम, यार्सा लेक, चोलाङपाटी, लौरिविना, नगथली, चन्दनबारी लगायतका ठाउँमा बाक्लो हिमपात भएको छ । हिमपात भएपछि कृषकहरु भने धेरै खुसी भएका छन् । हिउँ परेको वर्ष अन्न धेरै फल्ने कृषकहरु बताउँछन् ।

Citizen

ADVERTISEMENT
प्रतिक्रिया
पठाउनुहोस्

ठगी आरोपमा तीन भारतीय पक्राउ

प्रतिक्षा काफ्ले

स्याङ्जा — ठगी आरोपमा प्रहरीले तीन भारतीय नागरिकलाई पक्राउ गरेको छ । पक्राउ पर्नेमा बिहार जिल्ला सितामणी थाना रुन्नीसैदपुर गाउँ बस्ने सुरेन्द्र गुप्ता, कौशलकुमार गुप्ता र अमित गुप्ता छन् ।

अर्जुनचौपारी गाउँपालिका ६ दरौं काउले गाउँमा केही संख्यामा आएका भारतीय नागरिकले ३/४ हजार चिठ्ठा तान्न लगाई ३/५ सय बराबरको सामान दिई ठगी गरेको आरोपमा पक्राउ गरिएको जिल्ला प्रहरीले जनाएको छ ।

ठगी गर्नेलाई शिघ्र कारबाही होस् भन्दै स्थानीयले ट्वीटरमार्फत प्रधानमन्त्री तथा मन्त्रिपरिषद् कार्यालयमा उजुरी गरेका थिए । त्यसपछि जिल्ला प्रहरीले उनीहरुको खोजी गरेको प्रहरी प्रमुख प्रहरी उपरीक्षक राजकुमार लम्सालले जानकारी दिए ।

गत माग १७ गते आँधीखोला गाउँपालिका–१ स्थित पञ्चमूल बजारमा स्थानीय जनतालाई कपडा र स्क्रेच कार्ड बेच्ने क्रममा उनीहरुलाई पक्राउ गरिएको एसपी लम्सालले बताए । एक लाख २९ हजार ६१५ नेपाली रुपैयाँ र १३ हजार ५ सय भारतीय रुपैयाँसहित उनीहरुलाई पक्राउ गरिएको प्रहरीले जनाएको छ ।

प्रहरीका अनुसार विभिन्न रंगको ३२ थान कुर्था सुरुवालको कपडा, २१ थान कोट पाईन्टको कपडा, ईनामी कुपन लेखिएको स्क्रेच नगरेको कार्ड २३ थान, ईनामी कुपन लेखिएको स्क्रेच गरेको कार्ड ३८ थान र विभिन्न १६ वटा चिट्टा उपहार भएको पर्चाको ३ थानसहित पक्राउ गरी कानुनबमोजिम अनुसन्धान कार्य अगाडि बढाइएको छ ।

प्रकाशित : माघ २६, २०७५ १७:३०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT