कमलको जरा निकाल्न तँछाडमछाड [फोटोफिचर]

हरि गौतम

रुकुम पूर्व — झण्डै महिना दिनयता सिस्ने गाउँपालिका-५, स्थित कमल दहमा मान्छेको भीड छ । कोही दहको छेउमै आगो बालेर बसेका छन्, कोही दहभित्र डुबुल्की मार्दै छन् । आगो तापेकाहरु दहमा डुब्न जान्छन् भने दहमा डुबेकाहरु आगो ताप्ने फेरि बाहिर निस्कन्छन् । बिहान १० बजेदेखि बेलुकीसम्म कमल दहमा यो क्रम चलिरहन्छ ।

प्रकाशित : वैशाख ३, २०७६ १७:२७

यसरी दिनभर दहमा डुबुल्की मार्नुको एउटै उद्देश्य हो कमलको जरा निकाल्नु । कमलको जरा अचार स्वादिलो हुन्छ । त्यही जरा निकाल्नेहरुको भीड हिजोआज कमल दहमा छ । यसरी कमलको जरा निकाल्न निःशुल्क भने पाइँदैन । पुरुषले ५ सय र महिलाले ४ सय रुपैयाँ तिरेपछि कमलको जरा निकाल्ने पाइन्छ ।

Citizen

दिनभर आफूले जति सक्यो निकाल्न पाइन्छ । धेरै निकाल्नेहरु कमाउँछन् पनि । नसक्नेहरुले रहर मेटेर फर्कन्छ । कमलको जराको परिकार सेवनले जण्डिस निको हुने विश्वास छ । हरेक वर्षको यो समय कमलको जरा निकाल्ने सिजन हो । त्यस अघिका वर्षहरुमा मनोमानी तरिकाले कमलको जरा निकालिने गरेको भए पनि अघिल्लो वर्षदेखि जरा निकाल्न व्यवस्थित गरिएको छ । सिस्ने गाउँपालिकाले ठेक्कामार्फत जरा निकाल्न थालेको छ । कमलको जरा निकाल्न तथा जरा किन्न जिल्ला बाहिरबाट समेत मान्छेहरु आउने गरेका छन् । केही तस्बिरमा हेर्नुस्, कमलका जरा निकाल्नेहरु ।

प्रतिक्रिया
पठाउनुहोस्

संसदीय सुनुवाइ बुधबारदेखि 

रासस

काठमाडौँ — संसदीय सुनुवाइ समितिले दुई संवैधानिक आयोगका पदाधिकारी र सर्वोच्च अदालतका न्यायाधीशमा सिफारिस भएका सात जनामाथि बुधबारदेखि सुनुवाइ गर्ने भएको छ । 

प्रमुख निर्वाचन आयुक्तमा दिनेशकुमार थपलिया, सर्वोच्च अदालतका न्यायाधीशमा प्रकाश ढुंगाना, सुष्मालता माथेमा, हरि फुयाँल, कुमार रेग्मी र डा.मनोजकुमार शर्मा तथा समावेशी आयोगका सदस्यमा विष्णुमाया ओझाको सो पदका लागि सिफारिस भएको छ ।

समितिका सभापति लक्षमणलाल कर्णको अध्यक्षतामा मंगलबार बसेको बैठकले सोका लागि ती तीनै पद तथा प्रक्रियामाथि परेका उजुरीमाथि बिहान ११ बजेदेखि सुनुवाइ सुरु गर्ने र सबै उजुरीकर्तालाई समितिको बैठक समक्ष बोलाउने निर्णय गरेको छ ।

बुधबार अपरान्ह २ बजेसम्म उजुरीकर्ताको कुरा सुन्ने र २ बजेपछि प्रमुख निर्वाचन आयुक्तमा सिफारिस भएका थपलिया र समावेशी आयोग सदस्यमा सिफारिस भएका मकवानपुरका अधिकारकर्मी ओझा सहितका उजुरीमाथिका कुरा सुन्ने जानकारी दिए।

प्रमुख निर्वाचन आयुक्तमा सिफारिस भएका संखुवासभाका थपलियामाथि ६ र न्यायाधीश नियुक्तिका लागि सिफारिस गरिएका न्यायाधीशमाथि व्यक्तिगत र प्रक्रियागत गरी पाँच उजुरी समितिमा परेको बताइएको छ । समितिले समावेशी आयोग सदस्यमा सिफारिस भएका अधिकारकर्मी ओझामाथि भने उजुरी परे/नपरेको केही जनाएको छैन ।
प्रधानन्यायाधीश एवं न्याय परिषद्का अध्यक्ष चोलेन्द्रशम्शेर जबराको अध्यक्षतामा गत चैत १९ गते बसेको परिषद्को बैठकले सर्वोच्च अदालतका लागि उच्च अदालत पाटनका मुख्य न्यायाधीश ढुंगाना, उच्च अदालत सुर्खेतका मुख्य न्यायाधीश माथेमा, मोरङका कानून व्यवसायी तथा पूर्व महान्यायाधिवक्ता फुयाँल, काठमाडौँका वरिष्ठ अधिवक्ता रेग्मी र अधिवक्ता डा मनोजकुमार शर्माको नाम सिफारिस गरेको थियो । सर्वोच्च अदालतमा पाँच न्यायाधीशको पद रिक्त छ ।

यसैगरी संवैधानिक परिषद्को चैत ११ गते बसेको बैठकले रिक्त प्रमुख निर्वाचन आयुक्तमा सचिव थपलियालाई सिफारिस गर्ने निर्णय गरेको थियो । सोही बैठकले समावेशी आयोगका सदस्यमा ओझालाई पनि सिफारिस गरेको थियो । थपलिया संघीय मामिला तथा सामान्य प्रशासन मन्त्रालयका बहालवाला सचिव हुन् ।

प्रकाशित : वैशाख ३, २०७६ १७:२६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT