लुम्बिनीमा चिनियाँ बुद्ध जयन्ती [फोटोफिचर]

मनोज पौडेल

कपिलवस्तु — बुद्धस्थल लुम्बिनीमा चिनियाँ क्यालेण्डरअनुसार बुद्ध जयन्ती मनाइएको छ । चीनभर आइतबार मनाइएको बुद्ध जन्मजयन्ती नेपालमा यहाँ मनाइएको हो । चिनियाँ क्यालेण्डरअनुसार यस वर्षको २६४४ औं बुद्ध जन्मजयन्ती नेपालको भन्दा ६ दिन अघि परेको हो ।

प्रकाशित : वैशाख २९, २०७६ १४:५१

लुम्बिनीस्थित चीनको चुोङहुवा बौद्ध मोनाष्ट्रीद्वारा आयोजित कार्यक्रममा मायादेवी मन्दिर परिसरमा पिपलको रुखमुनी विशेष मण्डप सजाएर बेबी बुद्ध (सिद्धार्थकुरमा) को मूर्तिलाई नुहाईदिएर धार्मिक विधिपूर्वक पूजाआजा गरी मनाइयो । बुद्ध जन्मना साथ नुहाइदिएकोले यहाँ पनि नुहाई दिएर पवित्र गरिएको थियो । यसअघि बेबी बुद्धको मूर्तिलाई मायादेवी मन्दिरभित्र लगेर बुद्ध जन्मेको ठाउँमा पूजाआजा गरिएको थियो । मूर्तिलाई भिक्षुहरु पुष्करणी पोखरी परिक्रमा गराएका थिए ।

Citizen

कार्यक्रममा थाई, भियतनाम, म्यानमार, तिब्बती भिक्षु र थेराबाद बौद्ध धमावलम्बीले शिलप्रार्थना र पाठ गरेका थिए । जोङहुवा बौद्ध मोनाष्ट्रीद्वारा दोस्रो ठूलो भिक्षु सु चुङ्ग युङले चिनियाँ परम्पराअनुसार पूजाआजा गराएका थिए । चीनको आङखुई, फुचेन, सान्सी, सेन्चेन र सियान लगायतका ठाउँबाट बुद्धजयन्ती मनाउन यहाँ ८० उपासक उपासिका आएका थिए । उक्त अवसरमा लुम्बिनी विकास कोषका योजना प्रबन्धक सरोज भटराई र भियतनामी भिक्षु डा. लामले मन्तव्य दिएका थिए । त्यस्तै भियतनाम विहारले पनि आजै मायादेवी मन्दिर पूजाआजा गरी बुद्धजन्म जयन्ती मनाएको छ ।

ADVERTISEMENT
ADVERTISEMENT
प्रतिक्रिया
पठाउनुहोस्

सांसदको सुझाव, 'कनिका जस्तो बजेट नछरौं'

रासस

काठमाडौँ — नेपाली काङ्ग्रेसका सांसद एवं पूर्वअर्थमन्त्री ज्ञानेन्द्रबहादुर कार्कीले विगतदेखि नै कनिका छरे जस्तो बजेट छर्ने प्रवृत्ति हाबी हुने गरेकाले त्यसबाट बजेटमुक्त हुनुपर्ने सुझाव दिएका छन् । प्रतिनिधिसभाको आइतबारको बैठकमा आव २०७६/७७ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्ताव बाहेक) माथिको छलफलमा भाग लिँदै सांसद कार्कीले आगामी बजेटलाई नारामा मात्रै केन्द्रित नगरी अर्थतन्त्रलाई दिगो विकास गर्ने खालका योजनालाई जोड दिनुपर्ने बताए ।

उनले आगामी आर्थिक वर्षको बजेटलाई राजनीतिक आग्रह वा पूर्वाग्रहभन्दा माथि राखेर प्राथमिकता निर्धारण गर्न आग्रह गरे ।

छलफलमा सहभागी हुँदै नेकपाका सांसद् एवम् पूर्व अर्थमन्त्री सुरेन्द्र पाण्डेले आधार तयार नभएका आयोजनामा बजेट विनियोजन गर्दा लागत बढ्ने र त्यस्ता आयोजनाले प्रतिफल दिन नसक्ने बताए । उनले उत्पादनमूलक क्षेत्रमा लगानी बढाउन सरकारले विशेष प्राथमिकता दिनुपर्नेमा जोड दिँदै भने, “उत्पादन बढाउने खालका परियोजनालाई जोड दिनुपर्छ । आधार तयार भएका परियोजना पनि बढीभन्दा बढी प्रतिफल दिने खालको हुनुपर्छ ।”

नीति तथा कार्यक्रममा समावेश भएका पनि समग्र रुपमा आधार बनेका, अध्ययन सकिएका परियोजनालाई विशेष जोड दिनुपर्नेमा उनको जोड दिए । मुलुकको प्रमुख समस्या बेरोजगारी, कम उत्पादन र व्यापार घाटा भएकाले उत्पादन बढाउने योजना तथा बजेट विनियोजन गर्नु नै सरकारको प्रमुख प्राथमिकता हनुपर्नेमा जोड दिए । कृषि उपजको उत्पादनमा जोड दिन देशभर कुन क्षेत्रका के कस्तो कृषि उपज उत्पादन हुनसक्छ, त्यसतर्फ ध्यान दिन सकिए मात्रै कृषिजन्य पदार्थको आयात कम हुने नेता पाण्डेको भनाइ छ ।

राजपाका सांसद लक्ष्मणलाल कर्णले कृषिको औद्योगिकरण गर्नुपर्ने, रुग्ण उद्योग सञ्चालनमा ध्यान दिनुपर्ने, विदेशी मुद्रा आयातका लागि प्राथमिकताका क्षेत्र निर्धारण गरी बजेट तयार गर्न आग्रह गरे । सांसद राजेन्द्र श्रेष्ठले आगामी आर्थिक वर्षले बजेटमार्फत तीव्र आर्थिक वृद्धि हुने कार्यक्रम ल्याउनुपर्ने, कृषि, पर्यटन र ऊर्जालाई प्रमुख आधार बनाउनुपर्नेमा जोड दिए । सांसद दुर्गा पौडेलले संविधानले अवलम्बन गरेको समाजवाद उन्मुख अर्थतन्त्रका लागि पूर्वाधार विकास गर्दै आयात प्रतिस्थापन र निर्यात घटाउने खालको बजेट तय गर्नुपर्ने बताए ।

प्रकाशित : वैशाख २९, २०७६ १४:३२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT