रौतहटमा पानीको बहाव कम हुँदै, दिनचर्या सामान्य अवस्थामा फर्कँदै

शब्द तथा तस्बिर : शिव पुरी

गौर — लगातारको वर्षापछि वाग्मती र लालबकैया नदीमा आएको बाढी बस्तीमा पस्दा सदरमुकाम लगायतको जनजीवन अस्तब्यस्त भएको छ । अहिले गौरको डुबान कम हुँदै गएको छ । मानिसहरु घरबाट बाहिर निस्कन थालेका छन् । केही पसलहरु खुलेका छन् । अधिकांश व्यापारीको पसल डुबानमा परेर क्षति पुगेको छ । जनजीवन विस्तारै सामान्य बन्दै छ । रौतहटमा अहिलेसम्म ५ जनाको मृत्यु भएको छ भने २ बेपत्ता छन्  ।


प्रकाशित : असार २९, २०७६ १४:१८

मृत्यु हुनेहरुमा यमुनामाई गाउँपालिकाकी गायत्री देवी, ईशनाथ नगरपालिकाका हरेन्द्र राय, दुर्गा भगवती गाउँपालिकाका वीरेन्द्र झा, गौर नगरपालिकाका शिव मंगल् राउत, उमेश राउत रहेका छन् । बाढीका कारण गढिमाई नगरपालिकाका आनन्दी देवी र ईशनाथ नगरपालिकाका रामपुकार बेपत्ता छन् ।

जिल्लाको विभिन्न स्थानीय तहका ३० हजार घरमा बाढीले क्षति पुर्‍याएको तथ्यांक छ । ३० हजार विस्थापित भएका छन् । विस्थापित सबैलाई सामुदायिक भवन, विद्यालायलगायत अग्लो र बाढी नपसेको ठाउँमा राखिएको छ ।

प्रतिक्रिया
पठाउनुहोस्
ADVERTISEMENT

कुवेतमा आगलागी भई मृत्यु हुने ३ नेपालीको परिचय खुल्यो

मलेसियामा सडक दुर्घटनामा २ नेपालीको मृत्यु  
होम कार्की

काठमाडौँ — कुवेतको महाबुल्ला-२ स्थित आप्रवासी कामदार बस्ने अपार्टमेन्ट भवनमा आगलागी हुँदा ज्यान गुमाउने ३ नेपालीको पहिचान खुलेको छ । जसमा दुई घरेलु महिला र एक पुरुष कामदार रहेका छन् ।

कुवेतस्थित नेपाली दूतावासका अनुसार मृत्यु हुनेमा सर्लाहीका २९ वर्षीय विजय बैठा, अप्सरा कामी र गौरी दर्जी रहेका छन् । अप्सरा र गौरीको ठेगाना छैन । उनीहरु आफ्नो मालिकको घर छाडेर त्यस अपार्टमेन्टमा बस्दै आएका थिए । बैंठा कुवेतको अलबहार फर क्लिनिङ कम्पनीमा कार्यरत थिए ।

दूतावासका द्वितीय सचिव ज्ञानबहादुर मगरले घाइते हुनेहरुको पहिचानको लागि काम भइरहेको बताए । आगलागीमा परेर घाइते भएकाहरुको स्थानीय अस्पतालमा उपचार भइरहेको छ । दुईजना गम्भीर घाइते भएका थिए । १२ जनालाई उद्धार गरिएको थियो ।
गत शनिबार राति १२ बजेर २७ मा आगलागी भएको थियो । प्रहरीले आगलागीको कारण पत्ता लगाउन अनुसन्धान भइरहेको जनाएको छ । नमहाबुल्ला नेपाली कामदारको बक्लो उपस्थिति रहेको क्षेत्र हो ।
मृतक नेपालीको शव फर्वानिया अस्पतालमा राखिएको छ ।

यसैगरी मलेसियाको शाहआलमको जलान कोटाकेमुनिङ मार्गमा शुक्रबार सवारी दुर्घटनामा दुई नेपालीको ज्यान गएको छ । मृत्यु हुनेमा कञ्चनपुरका सुरेन्द्रप्रसाद भट्ट र नुवाकोटाका शिव दाहाल रहेका छन् ।
उनीहरु आरएल कावालन प्रोमा सेक्युरिटी गार्ड थिए । उनीहरु मोटरसाइकालमा सवार थिए ।

प्रकाशित : असार २९, २०७६ १२:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT