नेपालगन्जमा रक्षाबन्धनको चहलपहल (तस्बिरहरु)

शब्द/तस्बिर : ठाकुरसिंह थारु

नेपालगन्ज — दाजु र बहिनीको पवित्र चाड रक्षाबन्धनको चहलपहल नेपालगन्जमा बुधबारबाटै सुरु भएको छ । बिहीबार परेको रक्षाबन्धनका लागि मध्यनजर गर्दै नेपालगन्जको त्रिभुवनचोकमा मेला नै लागेको छ । महिलाहरुले आफ्ना दाजुभाइका लागि विभिन्न प्रकारका राखी र मिठाई किनेका छन् । मधेसी समुदायमा मनाइने यो पवित्र चाड पछिल्लो समयमा अन्य समुदायले पनि सिकेका छन् । रक्षाबन्धनका दिन दिदीबहिनीले दाजुभाइको हातमा राखी बाँधेर दीघार्युको कामाना गर्छन् । दाजुभाइले इच्छा अनुसार दिदीबहिनीलाई दक्षिणा दिने चलन मधेसी समुदायमा छ ।

प्रकाशित : श्रावण २९, २०७६ १६:०४

ADVERTISEMENT
प्रतिक्रिया
पठाउनुहोस्

नेकपा सचिवालय बैठक फेरि स्थगित 

रासस

काठमाडौँ — विवादित विषयमा सहमति जुट्न नसक्दा बुधबार बस्ने भनिएको नेकपाको सचिवालय बैठक फेरि स्थगन भएको छ । प्रधानमन्त्री निवास बालुवाटारमा नेकपाले सचिवालय बैठक बस्ने तय भएको थियो । 


यसअघि प्रधानमन्त्री तथा पार्टी अध्यक्ष केपी शर्मा ओली उपचार गरेर आएपछि मंगलबार बस्ने भनिएको बैठक तयारी नपुगेको भन्दै बुधबारका लागि सारिएको थियो। सचिवालय सदस्य झलनाथ खनालका अनुसार बैठक बिहीबार अपराह्न ३ बजे प्रधानमन्त्री निवास बालुबाटारमा बस्ने भएको छ।

नेकपामा स्कूल विभागमा टुंगो लगाउन नसक्दा बैठक पटकपटक सारिँदै आएको छ। उक्त विभागमा प्रवक्ता नारायणकाजी श्रेष्ठसहित सचिवालय सदस्य खनाल, ईश्वर पोखरेल, स्थायी कमिटी सदस्य घनश्याम भुसाललगायतको दाबी भएको कुरा बाहिर आएको थियो। यसअघि नेकपाको सचिवालय बैठक साउन १३ गते बसेको थियो।

नेकपाको अहिलेसम्म प्रदेश कमिटी र जिल्ला कमिटी गठन भइसकेका छन् भने पोलिटब्युरो गठन, केन्द्रीय कमिटीको कार्यविभाजन, जनवर्गीय संगठनको कमिटीलाई पूर्णता, राष्ट्रिय परिषद्, केन्द्रीय सल्लाहकार समिति, केन्द्रीय आयोग, ज्येष्ठ कम्युनिष्ट मञ्च, केन्द्रीय विभाग गठनको काम पूरा हुन सकेको छैन।

प्रकाशित : श्रावण २९, २०७६ १५:२८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT