भानुमतीमा धार्मिक महोत्सव

कान्तिपुर संवाददाता

खोटाङ — हिन्दुधर्म ग्रन्थमा उल्लेख भएको भानुमतीमा धार्मिक महोत्सव सुरु भएको छ । खोटाङको दक्षिणी क्षेत्र जन्तेढुंगा र खोटेहाङ गाउँपालिकाको बीचमा पर्ने धार्मिक तथा पर्यटकीयस्थल भानुमतीमा बुधबारदेखि सप्ताह ज्ञान महापुराण सुरु भएको हो ।

खोटाङको दक्षिणी क्षेत्रमा पर्ने भानुमतीमा महोत्सवका सहभागी । तस्बिर : डम्बरसिं राई/कान्तिपुर

महोत्सव उद्घाटन प्रतिनिधिसभाका सदस्य विशाल भट्टराईले गरे । जन्तेढुंगा गाउँपालिका र खोटेहाङ गाउँपालिकाको बीचमा पर्ने प्रसिद्ध धार्मिक तीर्थस्थल भानुमति धामको पर्यटन प्रवद्र्धन, मन्दिर परिसरमा जग्गा खरिद, वार्षिक रूपले मकर मेला आयोजना र घाट व्यवस्थापन गर्नका लागि सप्ताह महायज्ञको आयोजना गरिएको भानुमती खुट्टेश्वर मकर महोत्सव त्रिवेणी घाट मूल आयोजक समितिका अध्यक्ष मोहन सुप्तिहाङ राईले बताए ।

किंवदन्तीअनुसार भानुमतीमा खुट्टेश्वर महादेव उत्पन्न भएर बसेको पाइन्छ । सत्य युगमा सत्यदेवी दक्ष प्रजापतीकी जेठी छोरी हुन्छिन् । ३३ कोटी देवतालाई दक्ष प्रजापतीले सबै छोरीको कन्यादान गर्छन् । तर सत्यदेवीलाई घरको रेखदेख गर्न छोरा नभएका कारण दक्ष प्रजापतीले राख्छन् ।

त्यस बेला सत्यदेवीलाई श्रीमहादेव बिहे गर्न भनी कन्यादान माग्न आउँछन् । सत्यदेवी घरको छोरोका रूपमा राखेको भनेर दक्ष प्रजापतीले श्रीमहादेवलाई कन्यादान गर्दैनन्, उल्टै महादेवलाई गलत्याएर घरबाट निकाली दिन्छन् । त्यसपछि विष्णु भगवान्ले आफूलाई कन्यादान गर्न भनी दक्ष प्रजापतीसँग सत्यदेवीलाई मागी छल गरेर श्रीमहादेवसँग बिहे गराइदिन्छन् ।

दक्ष प्रजापतीले सत्यदेवीलाई श्रीमहादेवले बिहे गरेको थाहा पाएपछिआफ्नो घरमा ३३ कोटी देवतासँगै सारा देवतालाईआफ्नो महायज्ञमा निम्तो गरेको तर श्रीमहादेवलाई भाङ, धतुरो खाने, बाघको छाला ओड्न, खरानी घस्ने, साँढे गोरुमा चडेर हिँड्ने बहुलाजस्तो भनेर जेठी छोरी सत्यदेवी र ज्वाइँ श्रीमहादेवलाई निम्तो गर्दैनन् ।

आफ्ना पिता दक्ष प्रजापतीले महायज्ञ गरेको सत्यदेवीले थाहा पाएपछि आफ्नो माइती घरमा आएर उनले दक्षप्रजापतीले आयोजना गरेको महायज्ञको अग्निकुण्डमा हामफालेर आत्मा हत्या गर्छिन् । त्यसपछि श्रीमहादेव पागल भई सत्यदेवीको मृत शरीरलाई काँधमा हाली संसार घुम्छन् ।

त्यसपछि सत्यदेवीको एकपछि अर्को गर्दै शरीरका सम्पूर्ण अंगहरू पतन हुने क्रममा भानुमतीमा सत्यदेवीको बायाँ खुट्टा पतन हुन्छ । जहाँ–जहाँ सत्यदेवीका अंगहरू पतन भएका छन् । त्यहाँ–त्यहाँ श्रीमहादेव उत्पन्न भएको हामीले श्रीस्वस्थानी व्रत कथाको पूुतकमा उल्लेख छ । भानुमतीमा सत्यदेवीको देब्रे खुट्टा पतन भएपछि त्यहाँ खुट्टेश्वर महादेव उत्पन्न भएको स्वस्थानीको पुस्तकमा उल्लेख छ ।

ग्रामीण पर्यटन महोत्सव हुने
काँकडभिट्टा– पूर्वोत्तर झापाको बाहुनडाँगीमा एसियन ग्रामीण पर्यटन महोत्सव हुने भएको छ । आगामी माघ ११ देखि १५ सम्म महोत्सवको संस्करण आयोजना हुने भएको हो । महोत्सवमा नेपाल तथा भारतका स्टलहरू रहनेछन् । खासगरी ग्रामीण पर्यटन प्रवद्र्धनको मुख्य उद्देश्य राखेर कार्यक्रम आयोजना गर्न लागिएको महोत्सवका अध्यक्ष अर्जुन कार्कीले बताए ।

महोत्सवमा गायक निशान भट्टराई, लोकगायक प्रकाश सपुत, गायिका प्रिती आले, सिक्किमकी गायिका भूमिका सुब्बा, गायिका मिलन नेवारको प्रस्तुति रहनेछ । आयोजकका अनुसार १ सय ६० भन्दा बढीको आवाज निकालने हास्यव्यंग्य कलाकार सुबोध गौतम पनि आउने छन् ।

प्रकाशित : पुस २७, २०७५ ०९:१६
ADVERTISEMENT
प्रतिक्रिया
पठाउनुहोस्

ठूला लगानीका व्यवसाय थपिँदै

सुरक्षाको सुनिश्चितता देखेपछि कटारी बजारमा व्यवसाय थपिँदै
सुविधासम्पन्न होटल, अस्पतालमा लगानी बढ्दो 
कान्तिपुर संवाददाता

कटारी, उदयपुर — सुरक्षाको सुनिश्चितता देखेपछि मुख्य व्यापारिक केन्द्र कटारी बजारमा ठूलो लगानीका व्यवसाय थपिने क्रम बढेको छ । पछिल्लो समय ठूलो लगानीमा होटल, स्वास्थ्य र निर्माणका क्षेत्रमा व्यवसाय थपिएको हो । 

सशस्त्र द्वन्द्वका बेला धेरै व्यवसायी पलायन भएका थिए । व्यापार सम्बद्ध संघसंस्थाले व्यवसायी पलायन रोक्न गरेको प्रयास सफल हुन सकेको थिएन । पछिल्लो समय भने कटारी बजारमा व्यापार व्यवसाय फष्टाएको छ । स्थानीय तहले व्यावसायिक सुरक्षासँगै व्यवसाय गर्ने वातावरण तयार गरिदिएपछि व्यवसाय फष्टाएको हो ।

अहिले कटारी बजारमा सुविधा सम्पन्न होटल, अस्पताल र माथिल्लो सगरमाथालाई समेत पुग्ने गरी ठूलो लगानीमा निर्माण सामग्री बिक्री गर्ने केन्द्रहरू खुलेका छन् ।

महिनायता कटारी बजारमा होटल मेजेस्टी सञ्चालनमा आएको छ । करिव १० करोडको लागतमा व्यवसायी प्रताप राईले होटल खोलेका हुन् । यो होटल नै ठूलो लगानीमा पहिलो पटक कटारी बजारमा खुलेको होटल हो । त्यसैगरी माच्छापुछरेले पनि दोस्रो सुविधा सम्पन्न होटल खोल्दैछ । निर्माणको चरणमा रहेको होटल माच्छापुछरे दोस्रो पुराना होटन व्यवसायी सुरेश मगरको लागानी छ ।

यस्तै सगरमाथा अस्पताल पनि खुल्ने क्रममा छ । सम्पूर्ण सुविधा सम्पन ५ तले भवनमा सञ्चालन हुने अस्पताल करिव १० लाखको लागनी रहेको सञ्चालक दिपेस प्रसैलाले बताए ।

होटल, अस्पतालसँगै अन्य व्यवसायमा पनि लगानी भित्रिने क्रम बढेको व्यवसायी बताउँछन् । ‘मुलुक शान्ति प्रक्रियामा आएसँगै सर्वसाधारणको चहपहल बढयो,’ होटल सञ्चालक प्रताप राईले भने, ‘पछिल्लो समय पूर्वको पशुपति भनेर हलेसी महादेवको दर्शन गर्न जाने भक्तजनको चहलपहल बढ्यो ।’ कटारी आउने भक्तजन र सर्वसाधारणले स्तरीय होटलको आवश्यकता महसुस गरेको बुझेपछि करौडौंको लगानीमा होटल खोलेको उनले बताए ।

१ नम्बर प्रदेशको माथिल्लो सगरमाथाका सोलु, ओखलढुंगा र खोटाङमा प्रसस्त पर्यटकीय गन्तव्य रहेका छन् । विश्वको सर्वोच शिखर सगरमाथादेखि पोक्ली झरना, हलेसी महादेवलगायतमा पूर्व नेपाल र भारतबाट आउने जाने पर्यटक र सर्वसाधारणले कटारीमा बास बस्नुपर्ने हुन्छ । तर यहाँ गुणस्तरीय राम्रो र सुविधा सम्पन्न होटल नहँुदा सिराहाको लहान र धनुषाको बर्दीबास जानुपर्ने बाध्यता थियो ।

सर्वसाधारणको बाध्यतालाई बुझेरै होटल खोलेको मेजेस्टीका सञ्चालक राईले बताए । ‘अहिले सुविधा सम्पन्न होटल भए पनि
सरकारी उच्च ओहदाका कर्मचारीदेखि राजनैतिक दलका नेताकार्यकर्ता, धार्मिक र आन्तरिक पर्यटकलाई कटारीमा बास बस्न सजिलो भएको छ ।’ बाह्य र आन्तरिक पर्यटकलाई एक दिनमात्रै रोक्दा कटारीको आर्थिक अवस्थामा ठूलो सहयोग पुगेको उनले बताए ।

होटल, कपडा, खाद्यान्न, हार्डवयर, सिमेन्ट लगायतका थोक बिक्रीमा कटारी बजारमा करौडौंको लगानी भित्रिएको उदयपुर उद्योग वाणिज्य संघ कटारीका अध्यक्ष पुष्कर खड्काले बताए । ‘ठूलो लगानी कटारीमा अवश्यक पनि थियो,’ अध्यक्ष खड्काले भने, ‘त्यही आवश्यकतालाई पूरा गर्न व्यवसायीले ठूलो लागनी गरेपछि अब कटारी बजारको मुहार फेरिएको छ ।’ कटारी बजारलाई ठूलो व्यापारिक केन्द्र र व्यावसायिक स्थल बनाउन राष्ट्रिय स्तरका ६ वटा बंैक, मोटरसाइकल, टयाक्टर लागयतको सोरुम समेत भएकाले व्यवसायमा ठूलो लगानी भित्रिएको उनले बताए ।

स्थानीय तह व्यावसायिक सुरक्षाको २४ सै घण्टा तयारी अवस्थामा रहको कटारी नगरपालिका प्रमुख ज्ञानेन्द्र श्रेष्ठले वताए । ‘नगरपालिकका कटारी बजारमात्रै होइन, घुर्मी बजारमा कसैले व्यवसाय गर्छु भन्छ भने सुरक्षा दिन तयार छ,’ नगर प्रमुख श्रेष्ठले भने, ‘ठूलाठूला लगानी र लगानीकर्ता भित्र्याउने वातावरण बनिसकेको र अझ मजबुत बनाउन लागिएको छ ।’

प्रकाशित : पुस २७, २०७५ ०९:१५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT