पहिरोमा पुरिएर परिवारका ३ बेपत्ता
भोजपुर — रामप्रसाद राई गाउँपालिका ५ मा झरेको पहिरोले घर सहित बगाएर तीनजना बेपत्ता भएका छन् । स्थानीय कुमार राईको भान्सा घरसहित उनकी ३५ वर्षीया श्रीमती मनकुमारी, छोराहरु १७ वर्षीय शिवकुमार र १५ वर्षीय शक्तिकुमार बेपत्ता भएको प्रहरीले जनाएको छ ।
करिब सय मिटर माथिबाट खसेको पहिरोमा उनीहरु पुरिएका हुन् । स्काभेटर प्रयोग गरी पहिलो पन्साउने काम भइरहेको छ । उनीहरुको खोजी भइरहेको भोजपुर प्रहरी प्रमुख नरबहादुर मगरले बताए ।
प्रकाशित : असार २८, २०७६ १२:२८प्रतिक्रिया
