खेतमा परेको चट्याङले मृत्यु
विराटनगर — खेतमा काम गरिरहेका बेला परेको चट्याङ लागेर मोरङको धनपालथान गाउपालिका ३ सोराभागका ५० वर्षीय श्याम मण्डलको सोमबार मृत्यु भएको छ । धान रोप्न खेत हिल्याइरहेको अवस्थामा परेको चट्याङले लागेर उनको घटनास्थलमै मृत्यु भएको प्रहरीले जनाएको छ ।
उनले खेत जोत्न प्रयोग गरेका दुईवटा गोरु पनि चट्याङ लागेर मरेका छन् । मोरङकै सुनवर्षी ९ मा चट्याङ लागेर स्थानीय २८ वर्षीया लक्ष्मीदेवी केबिरथ घाइते भएकी छन् । उनको स्थानीय स्वास्थ्य संस्थामा उपचार भइरहेको प्रहरीले जनाएको छ
प्रकाशित : श्रावण ६, २०७६ १९:२४प्रतिक्रिया
