एक घरमा आगलागी हुँदा ७० लाखको क्षति
पाँचथर — पाँचथरको फिदिम नगरपालिका-१० मा सोमवार बिहान आगलागी हुँदा एक घर जलेर नष्ट भएको छ ।
आगलागीबाट स्थानीय लक्ष्मीप्रसाद जवेगूको घर जलेर नष्ट भएको हो । आगलागीमा ७० लाखको क्षति भएको जिल्ला प्रहरी कार्यालय पाँचथरले जनाएको छ ।
पुजा कोठामा बालिएको दियो आगो सल्किँदा घर जलेको वडाध्यक्ष होमराज थाम्सुहाङले बताए । आगो फिदिम नगरपालिकाको दमकल , प्रहरी र स्थानीयबासीको सहयोगमा नियन्त्रणमा लिएको थियो ।
प्रकाशित : वैशाख १७, २०८१ १६:५०प्रतिक्रिया