मठ–मन्दिर बन्द गर्ने चेतावनी 

‘पञ्चायत काल (२०३३ साल) मा कानुन बनाएर मुलुकभरिका महन्तलाई गुलाम बनाइयो अहिले प्राधिकरण बनाएर मठमन्दिरको जग्गा हत्याउन खोजेको छ । महन्तहरूलाई विस्थापित गर्न खोजिएको छ,’ उनले भने । प्रस्तावित विधेयकमा धर्मअधिकारी राख्ने प्रावधानप्रति महन्त दास झन आक्रोशित देखिए, ‘मठमन्दिरका महन्तलाई मासिक २ हजार तलब दिने सरकार धर्मअधिकारी कसरी राख्छ ?’

सरकारको गलत नीतिकै कारण मठमन्दिरको जग्गा बिक्री भएको तथा अतिक्रमणमा परेको आरोप पनि उनले लगाए । महन्त दासका अनुसार २०३३ को गुठी कानुन यता जनकपुरका २ सय ५० निजी गुठीमध्ये झण्डै २ सय गुठी लोप भइसकेका छन् भने विभिन्न मठमन्दिरका सयौं बिघा जग्गा बिक्री भइसकेको छ ।