धादिङबेंसीमा घलेको कार्यक्रम
धादिङ — घलेहरुको साँस्कृतिक पर्व ल्होसार कार्यक्रम मनाउन देश-विदेशका घलेहरु माघ १ गते धादिडबेंसी जम्मा हुने भएका छन् ।
नेपाल कम्युनिष्ट पार्टीका अध्यक्ष एवम् पूर्व प्रधानमन्त्री पुष्पकमल दाहालले उद्घाटन गर्ने उक्त कार्यक्रममा देशरभरका ३६ जिल्ला र १६ वटा विभिन्न देशमा रहने घलेहरु धादिङबेंसी आउने भएका हुन् । उक्त कार्यक्रमका लागि तयारी अन्तिम चरणमा रहेको आयोजकहरुले बताएका छन् ।
लिस्ल फङ (घले समाज) यूएई अध्यक्ष नरबहादुर घलेका अनुसार यस वर्ष घले जातिको ऐतिहासिक पर्व ल्होसर बृहत् सांस्कृतिक कार्यक्रमसहित मनाउन लागिएको हो । भुटान , जापान, बेलायतलगायत १६ देश र पूर्वका इलाम झापादेखि पप्श्चिमको बाग्लुङसम्मका घलेहरुको उपस्थिति हुने पूर्वसांसद धनबहादुर घलेले बताए ।
प्रकाशित : पुस २८, २०७५ १९:५४प्रतिक्रिया
