पूर्वसांसद पण्डितको निधन

नुवाकोट — नुवाकोटका पुराना वामपन्थी नेता एवं पूर्वसांसद गणेश पण्डितको निधन भएको छ । सोमबार पञ्चकन्या गाउँपलिका–२ मा आयोजित एक कार्यक्रममा सहभागी हुने क्रममा पण्डितलाई हृदयघात भएपछि उपचारका लागि काठमाडौं लैजाने क्रममा निधन भएको हो । 

पण्डित तत्कालीन नेकपा एमालेबाट २०४८ सालमा नुवाकोट क्षेत्र नम्बर–२बाट निर्वाचित भएका थिए ।

२००२ सालमा जन्मिएका नेता पण्डित पछिल्लो समय नेकपाको जिल्ला सल्लाहकार थिए । नेता पण्डितका ३ छोरा र ३ छोरी छन् ।

प्रकाशित : फाल्गुन २१, २०७५ १७:५०

प्रतिक्रिया

पठाउनुहोस्