एक्कासी बाँध खोल्दा खोलाले विद्यार्थी बगायो 

कान्तिपुर संवाददाता

धादिङ — टारीबेंसीको आँखुखोलामा लुगा धुन गएकी विद्यार्थी १९ वर्षीया विपना भुसाल बेपत्ता भएकी छिन् । आँखुखोला हाइड्रोपावरको बाँध खुलेर खोला बढेपछि भुसाललाई बगाएको हो । दाङ जिल्ला घर भएकी भुसाल विनायक कलेजमा हेल्थ असिसटेन्ट (एचए) अध्ययनरत थिइन् ।

उनी प्राथमिक स्वास्थ्य केन्द्र सल्यानटारमा प्रयोगात्मक कक्षाका लागि आएकी हुन् ।

खोला किनारमै लुगा धुदै गरेकी भुसाललाई टारीबेंसीबाट बगाएर बेपत्ता भएको प्रहरीले जनाएको छ । बाँध खोल्दा आँखुखोला हाइड्रोपावरले स्थानीयलाई पूर्वसूचना नदिएको सल्यानटार निवासी सामाजिक कार्यकर्ता सञ्जु श्रेष्ठले बताए ।

प्रकाशित : जेष्ठ २९, २०७६ १६:२६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

टिपरको ठक्करबाट पत्रकार गेलाङको मृत्यु

रासस

सुर्खेत — टिपरको ठक्करबाट पत्रकार नन्दबहादुर गेलाङको मृत्यु भएको छ । रुकुमबाट सुर्खेतको छिञ्चुतर्फ आइरहेको बा ५ ख १६८३ नम्बरको टिपरले बुधबार दिउँसो भरीगंगा नगरपालिका ८ लोदेमा ठक्कर दिँदा उनको घटनास्थलमै मृत्यु भएको छ ।


उनी लेकवेशी नगरपालिका– ७ कल्याणका गेलाङ वीरेन्द्रनगरबाट प्रकाशित सुर्खेत पहिचान दैनिकका प्रकाशक/सम्पादक हुन्। नेपाल पत्रकार महासंघ सुर्खेत शाखाका सहसचिवसमेत रहेका गेलाङको शव मेहेल्कुना अस्पतालमा राखिएको छ।

मोटरसाइकलमा सवार उनलाई ठक्कर दिएलगत्तै फरार भएका टिपर चालकको खोजी भइरहेको जिल्ला प्रहरी कार्यालयका प्रहरी उपरीक्षक वसन्त रजौरेले जानकारी दिए।

प्रकाशित : जेष्ठ २९, २०७६ १६:००
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT