होटलबाट ७ पक्राउ

कान्तिपुर संवाददाता

नवलपरासी — प्रहरीले मन्यबिन्दु नगरपालिका– २ स्थित एक होटलबाट मध्यरातमा ७ जनालाई पक्राउ गरेको छ  । नन्दपुरमा रहेको रिमझिम होटलबाट २ महिला, ४ पुरुष र होटल सञ्चालकलाई पक्रेको हो  ।

मंगलबार राती १२ बजेको समयमा प्रहरी चौकी कोल्हुवा र जिल्ला प्रहरी नवलपुरको टोलीले उनीहरूलाई पक्राउ गरेको हो । उनीहरू यौन क्रियाकलाप गरिरहेको अवस्थामा पक्राउ गरेको प्रहरीको दावी छ । पूर्वपश्चिम राजमार्गबाट दक्षिणतर्फका होटेलमा यौनधन्दा हुने गरेको सूचनाका आधारमा छापा मार्दा उनीहरू पक्राउ परेका हुन् ।

होटलको कोठामा छापा मार्दा उनीहरूलाई आपत्तिजनक अवस्थामा भेटिएको प्रहरीले जनाएको छ ।

Citizen

प्रकाशित : जेष्ठ २, २०७६ १०:५०
ADVERTISEMENT
प्रतिक्रिया
पठाउनुहोस्
ADVERTISEMENT

एक सातामै २७ दुर्व्यसनी पक्राउ

कान्तिपुर संवाददाता

बागलुङ — प्रहरीले एक सातामा २७ लागूऔषधका दुर्व्यसनीलाई पक्राउ गरेको छ  । पक्राउमध्ये ८ जनालाई लागूऔषध ओसारपसार मुद्दा लगाइएको छ भने ६ जनालाई सुधार केन्द्र पठाइएको छ  ।

सूचनाको आधारमा प्रहरीले खोजी अभियान गर्दा ४० जना बागलुङ बजारमा मात्र दुर्व्यसनी भएको पत्ता लगाएको छ ।

दुर्व्यसनीलाई अभिभावकको साथ मनोसामाजिक परामर्श दिएर घर फर्काएको प्रहरी उपरीक्षक कृष्णहरि शर्माले बताए । कारवाही गरेर जेलमा हाल्नु भन्दा परामर्श मार्फत निगरानीमा राख्दा प्रभावकारी देखिएको शर्माको भनाइ छ ।

पक्राउ एक जनाले भने प्रहरीकै १० हजार ५ सय ठगेर बेपत्ता भएका छन । मालढुंगामा लागूऔषध खरिदका लागि पुगेका कुमार भनिने एक युवक प्रहरीकै रकम लिएर भागेका हुन् ।

प्रकाशित : जेष्ठ २, २०७६ १०:४९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT