गोरखामा जनजातिको र्‍याली

हरिराम उप्रेती

गोरखा — विश्व आदिवासी दिवस यहाँ विविध कार्यक्रम गरी मनाइयो । जनजाति समुदायले आफ्ना भेषभुषासहित र्‍याली निकाले । कौरा, धिमे बाजा, सोरठी, पाउदुरे, मारुनी, स्यार्गा, तामाङ सेलो लगायतका नाच प्रस्तुत गरे ।

यस्ता कार्यक्रमले लोप हुन लागेका संस्कृति संरक्षणमा टेवा पुगेको आदिवासी जनजाति महासंघ जिल्ला समन्वय परिषद्‌का अध्यक्ष विष्णु राना बताउँछन् । ‘संस्कृतिको संरक्षण त हुने नै भयो’ उनले भने,‘पुस्ता हस्तान्तरणमा यसले टेवा पुर्‍याएको छ, आफ्नो कल्चरलाई नियाल्दै अनुशरण गर्ने अवसर पछिल्ला पुस्तालाई पनि मिल्छ ।’

लोप हुन लागेका संस्कार र आफ्ना संस्कृति संरक्षणमा पछिल्लो समय चासो बढेको उनले बताए । ‘जातिविशेषले मात्र होइन सम्पदा र संस्कृतिलाई गहनाको रुपमा लिएर संरक्षणमा राज्यस्तरबाटै पहल हुनुपर्छ,’ उनले भने । २५ औँ विश्व आदिवासी दिवसको अवसरमा यहाँ कार्यरत रहेका अधिकृत र उपसचिवलाई सम्मान गरिएको छ । वक्ताहरुले भाषा, संस्कार, संस्कृति भेषभुषा जोगाउन पहिचान स्थापित हुने बताए ।




प्रकाशित : श्रावण २४, २०७६ २०:२३
प्रतिक्रिया
पठाउनुहोस्
ADVERTISEMENT

सबै शक्ति मिलेर मुलुकलाई समृद्ध बनाउनुको विकल्प छैन : अध्यक्ष दाहाल

रासस

काठमाडौँ — नेकपाका अध्यक्ष पुष्पकमल दाहालले गणतान्त्रिक परिवर्तका सबै शक्तिहरु मिलेर मुलुकलाई समृद्ध बनाउनुको विकल्प नभएको बताएका छन् । 

शमी साहित्य प्रतिष्ठानद्वारा शुक्रबार काठमाडौँमा आयोजित कवि दीनानाथ शर्माको निबन्धसङ्ग्रह ‘झरीको सौन्दर्य’ र शमी साहित्यिक मासिक पत्रिकाको विमोचन कार्यक्रमा अध्यक्ष दाहालले परिवर्तनका सहयात्रीहरु मिलेर देशलाई शान्तिपूर्ण रुपान्तरण गर्नुपर्नेमा जोड दिए । उनले भने, “यो परिवर्तनलाई संस्थागत गर्नुबाहेक अर्को विकल्प छैन, अँध्यारो कुनामा बसेर झटारो हानेर विकल्प आउँछ कि भन्नुको कुनै अर्थ छैन ।” अध्यक्ष दाहालले विद्रोहको नेतृत्व र जिम्मेवारी लिँदै मुलुकलाई शान्तिपूर्ण रुपान्तरण गर्नमा महत्वपूर्ण भूमिका खेलेको जिकिर गरे । हाल पार्टी एकता जस्तो ऐतिहासिक प्रक्रियासमेत पूरा भएकाले जनतामा देखिएको आशा र निराशा दुवैलाई आत्मसात् गरेर आफूहरु अगाडि बढ्ने उनले प्रतिबद्धता जनाए ।

नेकपाका वरिष्ठ नेता माधवकुमार नेपालले समाज रुपान्तरण गर्ने शक्तिशाली औजारका रुपमा साहित्य रहेको बताए । उनले कम्युनिष्ट आन्दोलनले वर्तमान समयको समस्यालाई बोधगरी सुन्दर भविष्यको परिकल्पना गर्न लाग्नुपर्ने आवश्यकता औँल्याए ।

नेपाली काङ्ग्रेसका नेता रामचन्द्र पौडेलले ठूला सपना देखाएर साना काम पनि नहुने प्रवृत्तिको अन्त्य हुनुपर्ने र देशलाई प्रयोगथलो बनाउन नहुनेमा जोड दिए ।

वाङ्गमय शताब्दी पुरुष सत्यमोहन जोशी, वरिष्ठ साहित्यकार माधवप्रसाद पोखरेल, प्रा राजेन्द्र सुवेदी, तेजेश्वरबाबु ग्वङ्ग, डा बेञ्जु शर्मालगायतले कृतिका लागि शर्मालाई र पत्रिकाका निम्ति प्रतिष्ठानलाई शुभकामना दिएका थिए ।

प्रतिष्ठानका अध्यक्ष प्रदीप नेपालले साहित्य र राजनीतिलाई अन्तरघुलन बनाएर जानुपर्ने आवश्यकता रहेको उल्लेख गरे ।

प्रकाशित : श्रावण २४, २०७६ २०:०७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT