पाटेको बाघको छाला सहित दुई पक्राउ

इलाका प्रहरी कार्यालय कोहलपुरका प्रहरी निरीक्षक मानबहादुर बिसीका अनुसार पक्राउ पर्नेहरूमा दैलेखको गुराँसे गाउँपालिका २ का ३६ वर्षीय कमल खत्री र कञ्चनपुर पुरनबस्ती–४का २१ वर्षीय हरि ढकाल रहेका छन् ।

उनीहरूलाई कोहलपुरको पुरानो बसपार्क नजिकैबाट पक्राउ गरिएको प्रहरीले जनाएको छ । भे ७ प ९४९९ नम्बरको मोटरसाइकलमा सवार रहेका उनीहरूलाई प्रहरीले विशेष सूचनाका आधारमा जाँच गर्दा बाघको छाला र हड्डी सहित पक्राउ गरेको थियो ।

बाघको छाला र हड्डी भारत पठाउने तयारी गरिरहेको अवस्थामा उनीहरुलाई पक्राउ गरिएको प्रहरीले जनाएको छ ।