काठसहित ट्रक नियन्त्रणमा
बर्दिया — गुलरियाबाट नेपालगन्जतर्फ गइरहेको ना २ ख ८८९४ नम्बरको ट्रक सहित चिरान काठ अनुसन्धानका लागि प्रहरीले नियन्त्रणमा लिएको छ ।
इलाका प्रहरी कार्यालय मैनापोखरका प्रहरी निरीक्षक हिमबहादुर खत्रीले वन डिभिजन कार्यालयले दिएको छुटपुर्जी भन्दा बढी परिमाणको काठ भएको आशंकाले छानबिनका लागि नियन्त्रणमा लिएको जनाए ।
काठको परिमाण जाँचबुझ गर्न वनका प्राविधिकलाई मैनापोखर झिकाइएको छ । ट्रकमा सिसौ, सागुन लगायतका काठ रहेको प्रहरीले जनाएको छ ।
प्रतिक्रिया