विप्लव समूहको बन्दका कारण जनजीवन प्रभावित

यातायातका साधन संचालन हुन नसक्दा कार्यालय जाने कर्मचारी र अस्पताल जाने बिरामी बढी प्रभाबित भएका छन् ।

बन्दका कारण जिल्लामा संचालित निजी तथा सामुदायिक बिद्यालय बन्द छन् । बजार र पसलहरु पनि पूर्णरुपमा संचालन हुन सकेका छैनन् ।

यसैगरी, त्रिबेणी गाउँपालिकाको सल्लेखोलामा अज्ञात ब्यक्तिले जंगलबाट हानेको ढंगाका कारण श्रीनगरबाट दाङ्ग जाँदै गरेका ना ४ ख ६३६८ नम्बरको ट्रक र लु २ च २७२५ नम्बरको बोलेरो गाडीका सिसा फुटेको प्रहरीले जनाएको छ ।