अछाममा चट्याङ लागेर एकको ज्यान गयो
अछाम — जिल्लाको मेल्लेख गाउँपालिका ६ शोडषामा चट्याङ लागेर एकको ज्यान गएको छ । घाँस काट्न जंगल गएको बेला बुधबार दिउँसो साढे चार बजेतिर पानी परेको बेला चट्याङ लागे १८ बर्षिया हिउँकलाकुमारी बोहराको ज्यान गएको मेल्लेख गाउँपालिकाका अध्यक्ष लोकबहादुर बोहराले जानकारी दिए ।
'घाँस काट्न तीन जना गएका रहेछन् । दुई जना एक रुखमा र हिउँकला अर्को रुखमा अडेस लागेको बेला उनी अडेस लागेकै रुखमा चट्याङ परेको पाइयो ।' गाउँपालिका अध्यक्ष बोहराले भने ।
घटनास्थलमा प्रहरी पुगेको र शव उठाउने तयारी भएको प्रहरी प्रमुख जनकबहादुर शाहिले जानकारी दिए ।
प्रकाशित : वैशाख ४, २०७६ १९:३४प्रतिक्रिया
