धोनीले गरे पिचको आलोचना
चेन्नाइ — कप्तान महेन्द्रसिंह धोनीले इन्डियन प्रिमियर लिग (आईपीएल) २०१९ को पहिलो खेलमा आफ्नो टीम चेन्नाइ सुपर किङ्सले रोयल च्यालेञ्जनर बेंगलोरलाई सजिलै हराएपछि पिचको आलोचना गरेका छन् ।
चेन्नाइले प्रँप्त गरेको सात विकेट जितको खेलमा पहिले ब्याटिङ गरेको बेंगलोर ७० रन मात्र बनाएर अलआउट भएको थियो । जवाफमा चेन्नाइ १४ बलको खेल बाँकी छँदा जितसम्म पुगेको थियो ।
'पिचको स्थिति यो भन्दा धेरै राम्रो हुनुपर्ने थियो । हामीले यस्तो पिचमा खेल्नु ठीक हुन्न,’ धोनीले भने । स्टार खेलाडीले भरिएको बेंगलोरका लागि कोही पनि ब्याट्सम्यानले गतिलो योगदान दिन सकेनन् ।
घरेलु टिमका लागि अनुभवी स्पिनरद्वय हरभजन सिंह र इमरान ताहिर हाबी रहे । हरभजनले २० रनमा तीन तथा इमरानले ९ रनमा तीन विकेट लिए ।
प्रकाशित : चैत्र १०, २०७५ ०७:४६प्रतिक्रिया