आठौं राष्ट्रिय खेलकुद : महिला फुटबलमा पुलिस क्लब विजयी
दाङ — आठौं राष्ट्रिय खेलकुद प्रतियोगिता अन्तर्गत शुक्रबार बिहान भएको महिला फुटबलमा नेपाल पुलिस क्लब विजयी भएको छ । घोराहीको भरतपुर मैदानमा भएको खेलमा प्रदेश ५ लाई शुन्यकाबिरुद्ध ६ गोल गर्दै पुलिस क्लब विजयी भएको हो ।
जर्सी नम्बर १४ की निरु थापाले गोलमा ह्याटि्रक गरिन् । उनले पहिलो हाफको ९ औं मिनेट तथा दोस्रो हाफको १३ र ३८ औं मिनेटमा गोल गरेकी थिइन् ।
जर्सी नम्बर ५ की अमृता जैशीले दोस्रो हाफको २८ र २९ औं मिनेटमा लगातार दुई गोल गरिन् भने जर्सी नम्बर ७ की निर्मला बिकले पहिलो हाफको २४ औं मिनेटमा गोल गरिन् । आज बेलुकीको खेल प्रदेश २ र ३ बीच हुने भएको छ ।
प्रकाशित : वैशाख ६, २०७६ ११:०६प्रतिक्रिया