घरेलु कामदारको श्रमस्वीकृति : कामदारका कुरै नसुनी निषेध

होम कार्की

काठमाडौँ — तत्कालीन व्यवस्थापिका संसद्को अन्तर्राष्ट्रिय सम्बन्ध तथा श्रम समितिले विभिन्न मुलुकमा कार्यरत घरेलु नेपाली महिला कामदारलाई भेट्दै नभेटी श्रम स्वीकृतिमा रोक लगाउन सरकारलाई निर्देशन दिएको पाइएको छ ।

स्थलगत अध्ययनमा गए पनि समितिले नेपाली दूतावासमा भेटिएका केही पीडित महिलासँग मात्र कुराकानी गरेको पाइएको हो ।
समितिको निर्देशनपछि सरकारले खाडी मुलुकमा घरेलु कामदार पठाउन रोक लगाएको थियो, जसका कारण वर्षौंदेखि खाडीमा घरेलु कामदारका रूपमा कार्यरत लाखौं पुरुष र महिला प्रभावित भएका छन् ।

प्रकाशित : श्रावण १५, २०७६ १३:२७
ADVERTISEMENT
ADVERTISEMENT
प्रतिक्रिया
पठाउनुहोस्

हराएको दुई दिनपछि जंगलमा भेटिइन् २ वर्षीय बालिका

आनन्द गौतम

ताप्लेजुङ — ताप्लेजुङको सिरिजंघा गाउँपालिका-१ कि २ वर्षीय बालिका सुम्निमा इवाराम हराएको दुई दिनपछि फेला परेकी छन् । घरैबाट हराएकी उनलाई सदरमुकाम फुङलिङबाट गएको प्रहरी नायव उपरीक्षक सञ्जयसिंह थापा नेतृत्वको टोलिले जंगलमा भेट्टाइ परिवारको जिम्मा लगाएको हो । 

छोरी बेपत्ता भएपछि पीडा सहन नसकि बिष सेवन गरेकी बालिकाकी आमा सरस्वता इवारामको भने धरानको घोपामा उपचार भइरहेको प्रहरी प्रवक्ता प्रहरी निरीक्षक सरोज खनालले जानकारी दिए ।

साउन १२ गते दिउँसो साढे ३ बजे आफ्नै हजुरबुबासँग खेल्दै गरेकी बालिका अचानक हराएकी थिइन् । घरपरिवार र आफन्तले खोजतलास गर्दा नभेटाएपछि सिनाम प्रहरी चौकीमा खबर गरेका थिए । प्रहरी हवल्दारको नेतृत्वमा सशस्त्र प्रहरी समेत र गाउँलेले रातभर खोजी गरेका थिए । असार १३ गते इलाका प्रहरी कार्यालय तेल्लोकबाट थप जनशक्ति परिचालित भएको थियो ।

असार १४ गते आमाले ‘राइनो’ नामक विष सेवन गरेपछि प्रहरी र स्थानीयले स्ट्रेचरमा बोकेर मेची राजमार्गको गणेशचोकसम्म र त्यसपछि एम्बुलेन्समा लगाएर उपचारकालागि पठाएका थिए ।

एक सय भन्दा बढीको टोली लिएर खोजीमा निस्किएको थापा टोलीले घरबाट करिव एक किलोमिटरको दूरीमा रहेको खरबारीमा रोएर थाकेको अवस्थामा बालिका फेला पारेको थियो । थापाका अनुसार भेट्नासाथ स्थानीय स्वास्थ्यचौकीमा स्वास्थ्य परीक्षण गराइएको छ र स्वास्थ्यकर्मीले बालिकाको अवस्था सामान्य रहेको बताएका छन् ।

प्रकाशित : श्रावण १५, २०७६ १३:२६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT