९ देशद्वारा उडान स्थगित

बोइङ ७३७ म्याक्स–८ सुरक्षा चासो
चीन, सिंगापुर, बेलायत, अस्टे«लिया, दक्षिण कोरिया, इन्डोनेसिया, मेक्सिको, ब्राजिल र इथियोपियाले बोइङ उडाउन रोके
रोयटर्स

बेइजिङ/लन्डन — बोइङ ७३७ म्याक्स ८ मोडेलको विमान इथियोपियामा दुर्घटनामा परेसँगै विभिन्न देश तथा एयरलाइन्सले यसको उडान रोकेका छन्  । सिंगापुर, अस्टे«लिया, बेलायत र दक्षिण कोरियाले मंगलबार बोइङ ७३७ म्याक्स विमानमार्फत हुने सम्पूर्ण उडान स्थगन गरेका छन्  ।

सिंगापुर, अस्ट्रेलिया, बेलायत र दक्षिण कोरियाले मंगलबार बोइङ ७३७ म्याक्स विमानमार्फत हुने सम्पूर्ण उडान स्थगन गरेका छन् । सिंगापुरको उडड्यन प्राधिकरणका अनुसार पछिल्लो निर्णयसँगै सिल्क एयर, चाइना साउदर्न एयरलाइन्स, गरुडा इन्डोनेसिया, सानडोङ र थाई लायन एयरका उडान प्रभावित भएका छन् । एसियाली देशका उडानलाई युरोप र अमेरिका जोड्ने सिंगापुरको चांगी विश्वकै छैटौं व्यस्त विमानस्थल हो । सिंगापुरको निर्णयलगत्तै अस्ट्रेलिया र दक्षिण कोरियाले बोइङ म्याक्स विमानलाई आफ्नो भूमिमा अवतरणका लागि रोक लगाएका छन् ।


अस्ट्रेलियाको नागरिक उड्डयन सुरक्षा प्राधिकरणले आफ्नो देशमा अवतरण हुने बोइङ म्याक्सको तालिका स्थगित गरेको छ । त्यसैगरी भारतको जेट एयरवेज, मेक्सिको तथा ब्राजिलले पनि विमानको सुरक्षाको प्रत्याभूति नभएसम्म उडान रोक्ने जनँएका छन् ।
यसअघि चीन तथा इन्डोनेसियाले सोमबार नै तत्कालका लागि उक्त विमान सञ्चालनमा रोक लगाइएको जनाएका थिए । इन्डोनेसियाले बोइङ ७३७ म्याक्सका सबै मोडलका जहाज थन्काएको छ भने भियतनामले आइतबारको दुर्घटनाको कारण पत्ता नलागेसम्म जेट विमान उडाउन अनुमति नदिने जनाएको छ । इथियोपियन एयर विमान दुर्घटनासँगै बोइङको सेयरमा मंगलबार १३.५ प्रतिशतले गिरावट आएको छ । समाचार संस्था रोयटर्सका अनुसार बिक्री भएका बोइङ ७३७ म्याक्समध्ये करिब ४० प्रतिशतले उडान स्थगन गरेका छन् ।


चीनको हवाई नियमन निकायले आन्तरिक एयरलाइन्स कम्पनीहरूलाई बोइङ ७३७ म्याक्स ८ मोडेलका विमानको व्यापारिक तथा व्यावसायिक उडान रोक्न सोमबार नै निर्देशन दिएको छ । त्यसलगत्तै ९७ बोइङ चीनका विभिन्न विमानस्थलका ह्यांगरमा छन् ।
चीनको नागरिक उड्डयन प्रशासनले अर्को आदेश नहुँदासम्म सबै ७३७ म्याक्स ८ मोडेलका विमान नउडाउन निर्देशन दिएको हो । प्रशासनद्वारा जारी विज्ञप्तिमा ‘उडान सुरक्षामा भरपर्दो सुनिश्चितता भएपछि मात्र उडान पुनः शुभारम्भ हुने’ उल्लेख छ ।
विज्ञप्तिमा यसबारे अमेरिकी संघीय नागरिक उड्डयन प्रशासन र बोइङसँग परामर्श गरिने जनाइएको छ । अमेरिकी अधिकारीले भने पछिल्लो घटनाबारे अनुसन्धान जारी रहेको भन्दै चीनले कुन सूचनाका आधारमा त्यस्तो निर्णय लिएको हो भन्ने प्रश्न गरेका छन् ।
बोइङ र कमर्सियल एयरक्राफ्ट कर्पोरेसन अफ चाइना (कोमाक) ले चीनको झाउसानमा स्थापना गरेको प्लान्टमा ७३७ म्याक्स विमानको भित्री साजसज्जा गर्ने गरिएको छ । कारखानाबाट गत डिसेम्बरमा एयर चाइनाका लागि ७३७ म्याक्स जहाज बिक्री गरिएको थियो । विमान अमेरिकाको वासिङ्टनको रेन्टोनमा एसेम्बल गरिन्छ र भित्री साजसज्जाका लागि झाउसान ल्याउने गरिन्छ ।


विमानको सुरक्षामाथि प्रश्न
वासिङ्टन (एएफपी)– पाँच महिनाभित्र दोस्रो पटक बोइङ ७३७ म्याक्स विमान उडान भरेको छोटो समयभित्रै दुर्घटनामा परेपछि यसको सुरक्षामाथि प्रश्नचिह्न उठेको छ । बोइङ अमेरिकी विमान उत्पादक कम्पनी हो । पछिल्ला दुवै घटनामा विमानका सबै यात्रुको मृत्यु भएको थियो । आइतबार इथियोपियन एयरलाइन्सको बोइङ ७३७ म्याक्स विमान उडेको ६ मिनेटमै खस्दा सबै १५७ यात्रु र चालक दलका सदस्यको मृत्यु भएको थियो । गत अक्टोबरमा लायन एयरले सञ्चालन गरेको विमान दुर्घटनामा १८९ को मृत्यु भएको थियो ।


बोइङको नयाँ मोडेलको विमानको प्राविधिक सुरक्षाबारे सर्वत्र प्रश्न उठेसँगै चीनले ७३७ म्याक्स ८ मोडेलका विमानहरू उडान रोकिसकेको छ । चीन बोइङको महŒवपूर्ण बजार हो । पछिल्लो दुर्घटनाबारे महŒवपूर्ण सूचना दिने भनेकै फ्लाइट डाटा र ककपिटमा भएका कुराकानीको संग्रह गर्ने दुइटा ब्ल्याक बक्स हुन् । यी उपकरणमा भएका सूचनाको विश्लेषण र अध्ययनबाट विमानको प्राविधिक समस्या, पाइलटको गल्ती वा दुर्घटनाका अन्य कारण पत्ता लाग्न सक्छ । ‘पाइलटले उडानमा कठिनाइ भएको र फर्कन चाहेको बताएका थिए । उनलाई फर्कने आदेशसमेत दिइएको थियो,’ इथियोपियन एयरलाइन्सका प्रमुख कार्यकारी टिवोल्डो गेब्रेमारियमले आइतबारको दुर्घटनाबारे अदिस अबाबामा पत्रकारलाई भनेका छन् ।


यद्यपि, टिल ग्रुपका हवाई विज्ञ रिचार्ड आबोउलाफियाले विमानको मोडेलमा समस्या रहेको बताउनु छिटो हुने प्रतिक्रिया दिए ।
‘दुर्घटनाग्रस्त दुवै जहाज एकै मोडेलका हुन् । लायन एयरझैं इथियोपियन एयरलाइन्सको विमान पनि उड्नासाथ दुर्घटना भएको हो । पाइलटले प्राविधिक समस्या आएको खबर गर्नासाथ दुवै विमान दुर्घटना भएका छन् । दुवैमा समान समस्या रहेको प्रस्ट भयो,’ अर्का एक विज्ञले भने । चिनियाँ नागरिक उड्यन अधिकारीहले पनि दुवै ‘भयानाक’ दुर्घटनाबीच समानता देखिएको बताउँदै ‘सुरक्षा सुनिश्चित नभएसम्म यी मोडेलका विमानको उडान रोक्ने’ निर्णय भएको जनाए ।


कम्पनीको वेभसाइटमा उल्लेख भएअनुसार बोइङले ७३७ म्याक्स मोडेलका ७६ जहाज चाइनिज एयरलाइन्सलाई बिक्री गरिसकेको छ भने अन्य १०४ विमान बनाउन आदेश दिइसकेको छ ।

प्रकाशित : फाल्गुन २९, २०७५ ०९:०३
ADVERTISEMENT
प्रतिक्रिया
पठाउनुहोस्
ADVERTISEMENT

भरतपुरकाे ५ नम्बर वडा कार्यालयमा विस्फोट

रमेशकुमार पौडेल

चितवन — भरतपुर महानगरपालिका वडा नम्बर ५ काे कार्यालय भवनमा गएकाे मध्यरातमा विस्फोट भएकाे छ । चितवन जिल्ला प्रहरी कार्यालयकाे प्रमुख रहेका प्रहरी उपरीक्षक (एसपी) सुशीलसिंह राठाैरका अनुसार कार्यालयमा सिलिन्डर बम विस्फोट भएकाे हाे ।

विस्फोटपछि भवन चर्केकाे छ। आगलागी भएपछि दमकलले निभाएकाे थियाे। कागजपत्रहरू पनि जलेकाे एसपी राठाैंरले बताए।

घटनामा हिजाे मात्रै सरकारले प्रतिबन्ध लगाउने निर्णय गरेकाेनेत्रविक्रम चन्दनेतृत्वकाे नेकपाकाे हात रहेकाे सुरक्षा अधिकारीहरूकाे आशंका छ। घटनाकाे औपचारिक जिम्मेवारी कसैले लिइसकेकाे छैन। सदरमुकामदेखि लगभग पाँच किलाे मिटर दक्षिण पश्चिममा रहेकाे साे वडा कार्यालयमा अघिल्लाे वर्ष मंसिर १६ मा पनि विस्फोट भएकाे थियाे।

निर्वाचनकाे विराेधमा रहेकाे विप्लवकाे पार्टीले नै त्याे बेला मतदान हुनेभन्दा पाँच दिनअघि वडा कार्यालयमा विस्फोट गराएकाे थियाे।

प्रकाशित : फाल्गुन २९, २०७५ ०८:५५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT