अष्ट्रेलियाका पूर्वप्रधानमन्त्री बब हकको निधन 

नारायण खड्का

अष्ट्रेलिया — अष्ट्रेलियाका पूर्वप्रधानमन्त्री बब हकको ८९ वर्षको उमेरमा बिहीबार निधन भएको छ । उनी लेबर पार्टीको तर्फबाट ३ कार्यकालसम्म अष्ट्रेलियाको प्रधानमन्त्री बनेका थिए ।

हकका परिवारले बिज्ञप्ति निकालेर उनको घरमा मृत्यु भएको जनाएको हो ।हक सन् १९८३ देखि १९९१ सम्म अष्ट्रेलियाका प्रधानमन्त्री बनेका थिए । स्वास्थ्य अवस्था राम्रो नभएकोले उनी २ दिनपछि हुनलागेको आमनिर्वाचनको प्रचारप्रसारमा पार्टीको तर्फबाट सहभागी बन्न सकेका थिएनन् ।

अहिले विपक्षमा रहेको लेबर पार्टीका नेता रहेको समयमा उनको नेतृत्वमा लेबरले ४ पटकसम्म जित हासिल गरेको थियो । उनी अष्ट्रेलियाका सबैभन्दा लामो समयसम्म प्रधानमन्त्री हुने नेताका रूपमा चिनिन्थे ।

अष्ट्रेलियालाई अन्तर्राष्ट्रियरुपमा ससक्त रुपमा चिनाउन महत्त्वपूर्ण भुमिका खेलेको श्रेय उनलाई दिइने गरिन्छ । उनले अष्ट्रेलियाको स्वास्थ क्षेत्रमा सर्वसाधारणलाई सहज र सुलभ पहुँच दिने मेडिकेयरको सुरुवात गरेका थिए । पछिल्लो समयमा सक्रिय राजनीतिबाट टाढै रहे पनि उनी लेबर पार्टीको संरक्षक मानिन्थे ।

अष्ट्रेलियाका प्रधानमन्त्री स्कट मरिसनले उनको मृत्युले अष्ट्रेलियालाई ठूलो क्षति पुगेको बताएका छन् । उनले अष्ट्रेलियालाई महत्त्वपूर्ण योगदान दिएको उल्लेख गर्दै मरिसनले उनी देशको लागि अहोरात्र खट्ने र मनदेखि काम गर्ने नेता भएको बताए ।

यसैगरी बिपक्षी दल लेबरका नेता बिल सर्टनले उनी लेबर पार्टी तथा समग्र देशको लागि उदाहरणीय नेता भएको बताए । पूर्वप्रधानमन्त्री केभिन रड लगायतका नेताहरूले समेत उनीप्रति श्रद्धाञ्जली व्यक्त गरेका छन् ।

प्रकाशित : जेष्ठ २, २०७६ १७:४८
ADVERTISEMENT
प्रतिक्रिया
पठाउनुहोस्
ADVERTISEMENT

अमेरिका–नेपाल मेडिकल फाउण्डेसनमा नयाँ नेतृत्व

कान्तिपुर संवाददाता

काठमाडौँ — अमेरिका–नेपाल मेडिकल फाउण्डेसनको २३औँ वार्षिक साधरणसभाले डाक्टर सन्तोष सापकोटाको अध्यक्षतामा १९ सदस्यीय कार्यसमिति चयन गरेको छ ।

वासिङ्टन डीसीमा गत मे १० देखि १२ सम्म चलेको साधरणसभाले उपाध्यक्षमा, सचिव र कोषाध्यक्षमा क्रमशःडाक्टर भुपेश खड्का, डाक्टर विनोद खड्का र कल्पना श्रेष्ठलाई चयन गरको छ। यस्तै, समितिका सदस्यहरुमा डाक्टरहरु अनिल सुवाल, विनोद ढुंगाना, विष्णु सापकोटा, चन्द्रप्रसाद चटौत, दिनेश मैनाली, दिनेश सुवेदी, गणेश चौधरी, नारायण धरेल, प्रकाश थपलिया, सुवोध मल्लिक, सुनिल शर्मा लगायत छन्।

साधरणसभामा 'नेपालको स्वास्थ्य नीति'को विषयलाई उठाइएको थियो। नेपाल, अमेरिका, बेलायत र जर्मनीका अतिथिहरुको सहभागिता रहको साधरणसभामा संस्थाले गरेका कार्यक्रम, भावी योजना तथा प्रगतिको बारेमा चर्चा गरिएको थियो।

सो अवसरमा स्वास्थ्य तथा जनसंख्या मन्त्रालयका सहसचिव रमेश खरेलले नेपालको वर्तमान स्वास्थ्य नीति तथा कार्यक्रमहरुको बारेमा प्रस्तुति दिएका थिए। मे १० र ११ तारिखमा विभिन्न क्षेत्रका विषय विज्ञलेे स्वास्थ्यसँग सम्बन्धित जानकारी, नीति–नियमका बारेमा जानकारी दिएका थिए।

यस्तै, स्वास्थ्य क्षेत्रका लागि आयोजना गरिएको डिनरमा १ लाख ५० हजार डलर सहयोग प्रतिबद्धता आएको संस्थाले जनाएको छ।

प्रकाशित : जेष्ठ २, २०७६ १७:४४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT