अमेरिकी थुनामा आप्रवासी किशोरको मृत्यु
वासिङ्टन — अमेरिकाको टेक्सास राज्यस्थित आप्रवासी राखिएको थुनुवा कक्षमा एक किशोरको मृत्यु भएको छ । मुत्यु हुने ग्वाटेमालाका १६ वर्षीय किशोर हुन् ।
अमेरिकी भन्सार तथा सीमा सुरक्षा (सीबीपी) का अनुसार टेक्सासको हिडाल्गो नजिक गत मे १३ मा अवैध रूपमा प्रवेश गरेका किशोरलाई सीमा सुरक्षा निकायले गिरफ्तार गरी थुनामा राखेको थियो । किशोरको रियो ग्रान्डे भ्याली सेक्टरको वेस्लाको स्टेसनमा मृत्यु भएको हो । नाम उल्लेख नगरिएका किशोरको मृत्युको कारण खुलेको छैन । गत डिसेम्बरयता अमेरिकी थुनामा मृत्यु हुने यी पाँचौं आप्रवासी हुन् ।
प्रकाशित : जेष्ठ ७, २०७६ १८:५६प्रतिक्रिया
