नाइजेरियामा २० आतंककारी मारिए
लेगोस — नाइजेरिया, चाड र क्यामरुनका सेनाले गरेको संयुक्त कारबाहीमा कम्तीमा २० जना आतंककारीको मृत्यु भएको नाइजेरियाली सैनिक प्रवक्ताले बताएका छन् ।नाइजेरियाली सैनिक प्रवक्ता टिमोथी एन्टीघाले जारी गरेको वक्तव्यमा आरिगे, माल्कोनोरी र टुमबुम रेगो क्षेत्रमा कारबाही गरिएको उल्लेख छ ।
लेक चाड क्षेत्रबाट इस्लामिक आतंकवादीलाई पूर्णरुपमा समाप्त पार्ने उद्देश्यले संयुक्त सैनिक कारबाही थालिएको प्रवक्ता एन्टीघाले बताए ।
इस्लामिक लडाकूसँगको भिडन्तका क्रममा गोली लागेर सेनातर्फ चार जना घाइते भएका थिए । संयुक्त सेनाले गत फेब्रुअरीमा पनि बोको हराम समूहमा आबद्ध लडाकूहरु विरुद्ध संयुक्त सैनिक कारबाही गरेको थियो ।
प्रकाशित : जेष्ठ २१, २०७६ १७:०४प्रतिक्रिया
