कांग्रेसको आसन्न महाधिवेशनबाट पार्टीको नेतृत्व लिन पहिलो पुस्ताका शेरबहादुर देउवा र रामचन्द्र पौडेलका साथै दोस्रो पुस्ताका आधा दर्जनभन्दा बढी नेता आकांक्षी देखिएका छन् । आसन्न महाधिवेशनबाट कांग्रेस नेतृत्व पहिलो पुस्तामै रहला कि दोस्रो पुस्तामा सर्ला भन्नेमा धेरैको चासो छ । कांग्रेस महाधिवेशन र भावी नेतृत्वबारे संस्थापन पक्षबाट सभापतिका प्रत्याशी प्रकाशमान सिंहसँग कान्तिपुरका कुलचन्द्र न्यौपानेले गरेको अन्तर्वार्ताको सम्पादित अंश :
पार्टीको नेतृत्व लिन उम्मेदवारीको रस्साकसी चलिरहेका बेला कांग्रेसका पूर्वमहामन्त्री प्रकाशमान सिंह सुटुक्क भारत पुगेका छन् । स्रोतका अनुसार सिंह भारतीय जनता पार्टीका अध्यक्ष जगतप्रकाश नाड्डालाई भेट्न बिहीबार नेपालगन्जको बाटो हुँदै नयॉ दिल्ली गएका हुन् । उनले नयॉ दिल्लीमा को—कोलाई भेटे भन्नेबारे भने जानकारी हुन सकेको छैन ।
सरकारले २० प्रतिशत केन्द्रीय सदस्य वा सांसदहरूले चाहेमा दल विभाजन गर्न सक्ने गरी राजनीतिक दलसम्बन्धि अध्यादेश ल्याउने निर्णय गरेको छ । प्रधानमन्त्री शेरबहादुर देउवाले आफ्नो नेतृत्वको सरकारको बुहमत टिकाइराख्न थोरै संख्यामा पनि दल विभाजन गर्न सक्ने प्रावधान सहितको अध्यादेश जारी गर्ने निर्णय मन्त्रिपरिषद्बाट गराएका हुन् ।
कांग्रेसको केन्द्रीय महाधिवेशन आउँदो मंसिर ९ देखि १३ गतेसम्म हुने भएको छ । केन्द्रीय कार्यसमितिको शनिबार बसेको बैठकले भदौ १८ गतेबाट वडास्तरको अधिवेशन सुरु गर्दै मंसिरमा केन्द्रीय महाधिवेशन सकाउने निर्णय गरेको वरिष्ठ नेता रामचन्द्र पौडेलले जानकारी दिए ।
कांग्रेस सभापति तथा प्रधानमन्त्री शेरबहादुर देउवाले आफू अन्तिम पटकका लागि सभापतिको उम्मेदवार हुन लागेको भन्दै उपसभापति बिमलेन्द्र निधिसँग सहयोगको आग्रह गरेका छन् ।