नेकपा एमालेका अध्यक्ष केपी शर्मा ओलीले आफूलाई प्रधानमन्त्री हुन त्यति मन नरहेको बताएका छन् । मंगलबार धनगढीमा पत्रकारहरूसँग पूर्वप्रधानमन्त्रीसमेत रहेका ओलीले अब प्रधानमन्त्री हुने आफ्नो इच्छा नरहेको बताएका हुन् ।
उपप्रधानमन्त्री तथा गृहमन्त्री रवि लामिछानेको राजीनामा माग्दै प्रमुख प्रतिपक्ष कांग्रेसले संसद् अवरोध गरिरहेको बेला सत्तारुढ एमालेका अध्यक्ष केपी शर्मा ओलीले भने बचाउ गरेका छन् । कसैविरुद्ध उजुरी पर्दैमा राजीनामा गर्न नहुने ओलीले बताएका छन् ।
जिल्ला प्रशासन कार्यालय कैलालीले फागुपूर्णिमामा अवाञ्छित क्रियाकलाप नगर्न आग्रह गरेको छ । लोला हान्ने, नमेटिने रङ लगाउने, पानी तथा हिलो छ्याप्नेलगायतका कार्य गर्नेलाई कानुनी कारबाही हुने जनाएको छ ।
सुदूरपश्चिम प्रदेशमा वर्तमान सरकार जोगिने वा ढल्ने अन्योलताकाबीच नागरिक उन्मुक्ति पार्टीले समर्थन गर्ने निर्णय गरेको छ । आइतबार पार्टीको संसदीय दलको बैठकले कांग्रेस नेतृत्वको वर्तमान सरकारका मुख्ख्यमन्त्री कमलबहादुर शाहलाई नै समर्थन गर्ने निर्णय गरेको हो ।
चिसापानीस्थित कर्णाली पुलमा गुडिरहेको ट्रकमा आगलागी भएको एक साता नबित्दै पुन: शनिबार कैलालीको बर्दगोरियामा लाइटरसहितका सामान बोकेको ट्रकमा आगलागी भएको छ ।
सत्ता गठबन्धन फेरिएसँगै आन्तरिक विवादको भूमरीमा फसेको नागरिक उन्मुक्ति पार्टीका संरक्षक रेशमलाल चौधरीले बुधबार बिहान लामो फेसबुक स्ट्याटस लेखेर अहिलेको परिस्थितिबारे आफ्नो धारणा सार्वजनिक गरेका छन् ।
पार्टी स्थापनाको ६ महिनामै स्थानीय तह, प्रदेश र प्रतिनिधिसभाको निर्वाचनमा जित हात पारेर राष्ट्रिय राजनीतिमा उदाएको नागरिक उन्मुक्ति पार्टीको विवाद उत्कर्षमा पुगेको छ । पार्टी अध्यक्ष रञ्जिता श्रेष्ठ र पार्टीका संरक्षक रेशमलाल चौधरीबीचको मतभेदले पार्टीभित्र कलह बढेर दुवै पक्षबाट फरक–फरक निर्णय आउन थालेका छन् ।
केन्द्रमा गठबन्धन फेरबदलले सुदूरपश्चिम सरकारका लागि निर्णायक बनेको नागरिक उन्मुक्ति पार्टीमा अध्यक्ष रञ्जिता श्रेष्ठ चौधरी र पार्टी संरक्षक रेशम चौधरीबीच शक्तिसंघर्ष चर्किएको छ । कांग्रेस नेतृत्वको प्रदेश सरकारमा सहभागी हुने/नहुने विषयले रेशम र रञ्जिता दम्पतीबीच विवाद बढेको हो । रेशमले सरकारमा थप मन्त्री पठाएका छन् भने फिर्ता हुन रञ्जिताले उनीहरूलाई निर्देशन दिएकी छन् । निर्देशन नमानेपछि उनले सोमबार पार्टीको केन्द्रीय कमिटी बैठक बोलाएकी छन् ।