२०२२ को जुनमा भारत सरकारले भारतीय सेनामा भर्ती हुनेका लागि ल्याएको ‘अग्निपथ’ योजनाले भारतीय समाजमा मात्रै नभई भारतीय गोर्खा पल्टनमा भर्ना हुन जाने नेपालीलाई समेत प्रभावित गरेको छ । भारत सरकारले अग्निपथ अन्तर्गत नयाँ भर्नाका लागि नेपाल सरकारलाई पत्र लेखेपछि तत्कालीन परराष्ट्रमन्त्री नारायण खड्काले भारतीय राजदूत नवीन श्रीवास्तवलाई बोलाएर भर्ती प्रक्रिया स्थगन गर्न अनुरोध गरे । त्यसपछि भर्ती खुलेको छैन । नेपाल सरकारले पनि अग्निपथमा भर्तीबारे कुनै निर्णय गरेको छैन ।
