डीआर पन्त

९० वर्ष अघिदेखि तरकारी खेती

बडाहाकिम रुद्रशमशेर राणा तल्लो स्वराडबाट आउँदा डडेलधुरा लाकमका दिवंगत विष्णुदत्त जोशीको बारीमा लटरम्म फलेको तरकारी देखेर लोभिएछन् । आफ्ना कारिन्दालाई पठाएछन् र भनेछन्, ‘पैसा लिए पैसा दिनू नलिए मागेर ल्याउनू ।’ त्यस दिनदेखि उनी डोटी गौंडामा बडाहाकिम भएर बसुन्जेल महिनाको एकपटक साबिक बगरकोटको लाकमबाट तरकारी मगाएर खान्थे ।

अस्पतालमा सुत्केरीको मृत्युपछि डडेलधुरामा तनाव

१४ दिनअघि शल्यक्रियाबाट सुत्केरी भएकी एक महिलाको शुक्रबार राति ज्यान गएपछि पीडित पक्षले अस्पतालमा तोडफोड गरेका छन् । तोडफोड पछि डडेलधुरा बजारमा गरेको चक्काजामका कारण सदरमुकाम तनावग्रस्त भएको छ ।

लोप हुँदै परम्परागत पेसा

नन्दी टमटाले बनाएका पित्तलका आकर्षक पानस कुनै बेला डडेलधुरादेखि राजधानी काठमाडौं हुँदै जर्मनीसम्म पुग्थे । जर्मनी मात्र होइन, बौद्ध धर्मावलम्बी भएका विभिन्न देशमा उनले बनाएका पानस मात्र पुगेनन् घण्टा र अन्य पूजामा चाहिने पित्तलका भाँडा पनि पुगे ।

पानी लिन १४ किमि

सदरमुकामको रातागौनका बासिन्दा पानी बोक्ने ट्यांकर उपलब्ध गराइदिन निवेदन लिएर आइतबार नगरपालिका कार्यालय पुगे । यसअघि दमकल ओसारेर गाउँमा वितरण गर्दै आएका उनीहरूलाई नगरपालिकाले ट्यांकर उपलब्ध गराउन नसकिने बतायो । त्यसपछि उनीहरू निर्माण व्यवसायी संघमा ट्यांकर माग गर्न गए ।

चुरेमा बाढीको जोखिम : अनिँदै बित्छ रात

वर्षात सुरु नहुँदै चुरे फेदीका बासिन्दालाई राति निद्रा पर्न छाडिसकेको छ । सामान्य हावाहुरी र आकाश गडगडाउन थालेपछि उनीहरू घर बाहिर निस्केर नदी तथा खहरे खोलातिर हेर्छन् । कुन बेला बाढी उर्लिएर बगाउला भन्ने चिन्ता हुन्छ । 

डीआर पन्तका लेखहरु :

मुक्त हलियाले दोस्रो किस्ता पाएनन्

मुक्त हलियामा सूचीकृत डडेलधुराका करन कामीको वर्ष दिनअघि मृत्यु भयो । उनकी पत्नीको त्यसअघि नै मृत्यु भएको थियो । करनका एकमात्र छोरा नाबालिग भएकाले मालपोत कार्यालय धाउन सकेनन् । आफन्तले धेरै प्रयास गर्दा पनि कार्यालयले उनका छोरालाई पुन:स्थापनाका लागि सहयोग गरेन । गाउँपालिकाबाट आवश्यक कागजपत्रसहित सबै प्रक्रिया पूरा गरे पनि उनले पाउनैपर्ने सुविधा पनि पाएका छैनन् ।

दलितमाथि सरकारकै विभेद

मदन भण्डारी आफ्नो बस्तीमा आएपछि पूरै गाउँ कम्युनिस्ट बनेको डम्बर भुलले बिर्सेका छैनन् । '०४८ देखि अहिलेसम्मका निर्वाचनमा दलित बस्तीले कम्युनिस्ट पार्टीबाहेक अरूलाई भोट हालेन,' उनी भन्छन्, 'सायद जननेता हाम्रो गाउँ नआएको भए अहिले पनि पानी माग्नुपर्ने नियति भोग्नुपर्ने थिएन कि ?'

खानेपानीको मूल एउटै, योजना दर्जन

महाभारत लेकको सतकट्टा खोलाबाट डडेलधुरा सदरमुकाम र आसपासका क्षेत्रमा ६ वटा खानेपानीका योजना निर्माणाधीन छन् । सदरमुकाममा मात्र ३० करोड बढीको खानेपानी योजना बन्ने क्रममै छन् । अमरगढी नगरपालिका वडा २ र ३ मा पनि सतकठ्ठा खोलाबाटै खानेपानी योजना सञ्चालनमा छन् ।

४ दशकसम्म बनेन सडक

५७ वर्षअघि आफ्ना बुबासँग महाभारत र शिवालिक पहाड छिचोलेर कञ्चनपुरको ब्रह्मदेव पुगेका ६८ वर्षीय रूपदेव नाथ पछिल्लो पटक गत फागुनमा त्यही बाटो भएर पहाड उक्लिए । फरक यति थियो– त्यतिबेला समूहमा गाई–बाख्रासहित दर्जनौँ मान्छे सँगै हुन्थे । यस पटक एक्लै भए ।

उग्रतारा मन्दिरको जग्गा कब्जा प्रकरण : प्रशासनद्वारा छानबिन सुरु

जिल्ला प्रशासन कार्यालय डडेलधुराले उग्रतारा मन्दिरको जग्गा विवाद सुल्झाउन पहल गरेको छ । प्रशासनले जिल्ला मालपोत, नापी र सम्बन्धित वडालाई मन्दिरको जग्गा खोजबिनका  विषयमा पत्राचार गरेको छ ।