सुरुङमार्गमा उल्झन

लगभग अन्त्यतिर पुगिसकेको काम रोकिन पुग्दा समय घर्कन्छ र लागत खर्च पनि थपिन जान्छ । नागढुंगाको पट्यारलाग्दो उकालो र ओरालोमा हुने चर्को सवारी जामबाट यात्रुलाई मुक्ति दिने हेतुले निर्माण भइरहेको यो सुरुङमार्ग देशकै लागि नमुना आयोजना पनि हो । यस्तो महत्त्वपूर्ण आयोजनामा पटकपटक अवरोध आइरहँदा राज्य मूकदर्शक बन्नु उदेकलाग्दो विषय हो ।

तालुकवाला मन्त्रालयमा भर्खरै आएका भौतिक पूर्वाधारमन्त्री रघुवीर महासेठले समस्या समाधानका लागि तत्काल कारबाही अगाडि बढाउन जरुरी छ । तत्परताका साथ अगाडि बढे राज्यले गर्न नसक्ने केही छैन । जहाँसम्म स्थानीय बासिन्दाको माग र आन्दोलनको कुरा छ, ती जायज छन् भने सम्बोधन गर्नेतिर र जायज छैनन् भने पन्छाएर जान ढिला गर्न हुँदैन ।
– कृष्ण कुम्पुरे, आदमटार, धादिङ