१०.१२°C काठमाडौं
काठमाडौंमा वायुको गुणस्तर: ४२०
फोटोफिचर

Photo Feature

सखर बनाउँदै किसान [तस्बिरहरु]

कोही उखु काट्दैछन्, कोही पात खुर्किदैछन् । कोही नाम्लो लगाएर भारी बाँध्दैछन् भने कोही उखु पेल्दैछन् । अनि अरु केही भने उखु पेलेर निकालिएको खुदो पकाएर सखर बनाउँदैछन् । पाँचथरको फिदिम नगरपालिका र हिलिहाङ गाउँपालिकाको सीमा भएर बग्ने हेवा खाेला किनार आसपासका किसान आजभोलि सखर बनाउन व्यस्त छन् । व्यवसायिक रुपमा कालो र सेतो उखुको खेती गर्दै आएका यहाँका किसान माघ दोस्रो सातादेखि चैत पन्ध्रसम्म यस्तै व्यस्ततामा भेटिन्छन् । फागुनमै सखर बनाइसकेकाहरु बारीमा उखु रोपिरहेका भेटिन्छन् भने कोही गोडमेलमा व्यस्त छन्।

सखर बनाउँदै किसान [तस्बिरहरु]

वसन्तपुरमा ठड्याइयो चीर

फागू पूर्णिमा सुरुवात भएको संकेतस्वरूप बिहीबार वसन्तपुरमा विधिवत रूपमा चीर ठड्याइएको छ । बिहानको शुभसाइतमा रंगीचंगी कपडाको टुक्रा झुन्ड्याएर चीर ठड्याइएको हो । हनुमानढोका दरबारको दक्षिणतर्फ छत्र आकारमा रंगीचंगी कपडाका टुक्रा झुन्डाएर सिंगारिएको चीर ठड्याइएको हो । मानन्धर समुदायद्वारा फाल्गुन शुक्ल अष्टमीका दिन चीर गाड्ने चलन छ ।

वसन्तपुरमा ठड्याइयो चीर
चैत्र ३, २०८०

यस्तो देखियो पाल्पामा कृषि मेला प्रदर्शनी [तस्बिरहरु]

‘कृषि उत्पादन बढाऔं, परनिर्भरताको अन्त्य गरौ’ भन्ने मूलनाराका साथ शनिबार आयोजित दोस्रो कृषि मेला तथा प्रदर्शनीमा रौनकता थियो । सुख्खा मौसम भए पनि किसानले उत्कृष्ट कृषि प्रदर्शनी गरे । तानसेन नगरपालिका ९ टिन्टीआँपको मदनपोखरा संगम बहुउद्देयीय सहकारी संस्थाले वडा कार्यालयको सहयोगमा राखेको दोस्रो कृषि मेला प्रदर्शनीले किसानलाई कृषिमा प्रोत्साहन गर्न सहयोग मिलेको सहभागी किसानले बताएका छन् ।

यस्तो देखियो पाल्पामा कृषि मेला प्रदर्शनी [तस्बिरहरु]

शुक्लाफाँटाको चौधर नदीमा छाडियो घडियाल गोही [तस्बिरहरु]

चितवन राष्ट्रिय निकुञ्जको कसरा प्रजनन् केन्द्रबाट ल्याइएका घडियाल गोहीलाई शुक्लाफाँटा राष्ट्रिय निकुञ्जको चौधर नदीमा छाडिएको छ । शनिबार बिहान ३ भाले र २२ पोथीसहित २५ गोहीलाई चौधर नदीमा छाडिएको हो । ४ देखि ५ वर्षको गोहीको तौल २२ देखि ३२ किलोग्रामसम्म छ । काठको बाकसमा राखेर ट्रकमा ढुवानी गरेर शुक्रबार साँझ निकुञ्जमा पुर्‍याइएका गोहीलाई चौधर नदीमा छाडिएको हो । चौधर नदीको गोहीकुण्ड क्षेत्रमा दुई स्थानमा नरकटको घेरबार (सफ्ट इन्क्लोजर) लगाएर छाडिएको हो ।

शुक्लाफाँटाको चौधर नदीमा छाडियो घडियाल गोही [तस्बिरहरु]

धम्म यात्रामा श्रावणेर [तस्बिरहरु]

अल्पकालीन श्रावणेर प्रव्रज्जित एक हजार २ सय ५० जनाले धम्म यात्रा गरेका छन् । बुद्ध जन्मस्थल लुम्बिनीस्थित अन्तर्राष्ट्रिय ध्यान केन्द्रबाट शनिवार बिहानै धम्म यात्रा गर्दै केन्द्रीय नहर हुँदै मायादेवी मन्दिर पुगेका थिए । मन्दिर परिक्रमा गरी बेबी बुद्ध प्रतिमा हुँदै पुन: ध्यान केन्द्रमा आएका थिए । उनीहरुले शनिबार विहान ४ किमि भन्दा बढी धम्म यात्रा गरेका थिए ।

धम्म यात्रामा श्रावणेर [तस्बिरहरु]
चैत्र २, २०८०

गैंडा स्थानान्तरण [फोटोफिचर]

कावासोतीमा शुक्रबार बिहानै नवदुर्गा सामुदायिक वनमा ५ वटा हात्तीसहित चितवन राष्ट्रिय निकुञ्जको टोली तैनाथ भयो । गाउँलेले हात्तीसहित प्राविधिक टोली आएको देखेपछि गाउँ पसेर बाली खाने र मानिसलाई आक्रमण गर्ने गैंडालाई नारायणी पारी धपाउनका लागि हात्ती आएको होला भन्ने बुझे । एकैछिनमा जंगलभित्र चरिरहेको गैंडाको खोजी सुरु भयो ।

गैंडा स्थानान्तरण [फोटोफिचर]

रमजान मुबारक [तस्बिरहरु]

इस्लाम धर्मावलम्बीहरुले मनाउने रमजान पर्वको रौनक सुरु भएको छ । रमजानको पहिलो शुक्रबार मस्जिदहरुमा नमाज पढ्नेहरुको भीड लागेको छ । इस्लामी पात्रो, हिजरी सम्वत् अनुसार रमजान ९ औं महिनामा पर्छ । इस्लामी पात्रोमा यसलाई पूर्ण रुपमा ‘रमजानल मुबारक’ लेखिएको हुन्छ । विश्वभरका इस्लाम धर्मावलम्बी मुसलमानहरूले अन्य महिनाभन्दा यो महिनालाई पवित्र र महान मान्दछन् । हिजरी सम्वतको आठौं ‘साबान’ महिनाको अन्तिम दिनमा मुसलमानहरूले आकाशमा चन्द्रमा हेर्छन् ।त्यसदिन चन्द्रमा देखिएमा भोलि पल्ट अर्थात् नवौं महिना रमजानको एक तारिखदेखि रोजा सुरु हुन्छ ।

रमजान मुबारक [तस्बिरहरु]
चैत्र १, २०८०

काठमाडौंमा सहकारी पीडितको प्रदर्शन [तस्बिरहरु]

सहकारीपीडितहरूले काठमाडौंको भृकुटीमण्डपमा बिहीबार प्रदर्शन गरेका छन् । बचतकर्ताको रकम फिर्ता गर्न नसक्ने सहकारी, फरार रहेका सञ्चालकलाई कारबाही गर्नुपर्ने, बचतकर्ताका समस्या छिटोभन्दा छिटो समाधान गर्नुपर्ने, सञ्चालकलाई राजनीतिक संरक्षण बन्द गर्नुपर्ने भन्दै विभिन्न नारासहितका प्लेकार्ड र ब्यानर बोकेर पीडितहरु प्रदर्शनमा उत्रिएका थिए । सहकारी क्षेत्रको समस्याका कारण देशभरका सहकारी पीडितहरु लामो समयदेखि आन्दोलरत छन् ।

काठमाडौंमा सहकारी पीडितको प्रदर्शन [तस्बिरहरु]

चियाबारीबाट माछापुच्छ्रे चियाउँदा (तस्बिर)

ढकमक्क फुलेका लालीगुराँस र आँखैमा ठोकिने माछापुच्छ्रे हिमाल ल्वाङ गाउँबाट यतिबेला रोमाञ्चक देखिन्छ । कास्कीको माछापुच्छ्रे गाउँपालिका–८ ल्वाङको चियाबारीको मम्मुखमै माछापुच्छ्रे देखिन्छ । चियाबारीबाट देखिएको माछापुच्छ्रे र अन्नपूर्णसँगै ढक्मक्क फुलेको लालीगुराँसले यहाँ पुग्ने जो कोहीलाई लालायित बनाउँछ । चियाबारी पुगेपछि लालीगुराँस, अन्नपूर्ण र माछापुच्छ्रे हिमाललाई नजिकबाट नियाल्न पाइने भएकाले पनि पोखरा आएका पर्यटक यहाँ पुग्न प्रयास गर्छन् । प्रकृति र संस्कृतिको अनुपम थलो हो, ल्वाङ । यस गाउँको हरेक ऋतुमा घुम्न मिल्ने विशेषता छ ।

चियाबारीबाट माछापुच्छ्रे चियाउँदा (तस्बिर)
फाल्गुन ३०, २०८०

चेरीले ढकमक्क उपत्यका

वसन्त ऋतुमा सबै बोटबिरुवाहरुको पुरानो पात झर्छ र नयाँ पात पलाउँछ। वसन्त ऋतुमा जताततै हरियाली हुन्छ। जुन ऋतुलाई सबैले मन पराउँछ । त्यसैले यस ऋतुलाई ऋतुराज पनि भन्ने गरिन्छ । तर, पछिल्लो समय विश्वमा जलवायु परिवर्तनका कारण बसन्त ऋतुअघि नै कैयन बोटबिरुवाका पात झर्ने, नयाँ पालुवा पलाउने मात्रै नभई ढकमक्क फूलै फुल्ने गरेको छ ।

चेरीले ढकमक्क उपत्यका