असिनापानीले गहुँमा क्षति

कल्से डहरका पूर्ण भट्टराईले बाली उठाउनै नसकिनेगरी असिनाले सोत्तर बनाएको बताए । ‘चामलको काम गहुँले नै धान्दै आएको थियो । काटेर भित्र्याउने बेला असिनाले बर्बादै पार्‍यो,’ उनले भने, ‘बीउ पनि बचाउन पाइएन ।’

करिब सय रोपनीमा फैलिएको खेतमा गहुँ बाली काट्नै नमिल्नेगरी असिनाले सोत्तर बनाएको उनले सुनाए । यहाँका करिब ७० घरपरिवारले गहुँ खेती गर्दै आएका छन् ।

गहुँखेतीका लागि यहाँको माटो उर्वर भएकाले बर्सेनि किसानले लगाउने गरेका छन् ।