असिना,पानीले बाली नष्ट
जाजरकोट — आइतबार हावहुरीसँगै आएको असिना पानीका कारण बारेकोट गाउँपालिका–८, छुचीपाल्तीमा लाखौँको क्षति भएको छ ।
छुचीपाल्तीमा लगाइएको अन्नबाली, तरकारी र फलफुल खेति पूर्ण रुपमा नष्ट भएको छ । असिनाले गहुँ, जौ, धानको विउ, फापर, तोरी, आलु, स्याउ, सुन्तोला, कागती, अमिलो, किबी लगायतका बाली नष्ट गरेको हो ।
हिउँदे खेती पूर्ण रुपमा क्षति भएपछि किसान चिन्तित भएका छन् । असिनापानीले ७ सय रोपनीमा लगाइएको अन्नबाली तथा फलफुल खेतीमा क्षति गरेको वडा अध्यक्ष लालभक्त सिंहले बताए ।
अन्नबाली भित्र्याउने बेलामा असिनाले नष्ट पारेपछि भोकमारीको समस्या आउने वडाध्यक्ष सिंहले बताए ।
प्रकाशित : वैशाख ३१, २०७५ १५:३८प्रतिक्रिया