बढ्न सकेन कारोबार रकम

केही दिनयता सेयर बजारमा दैनिक रूपमा थोरै रकमको मात्र कारोबार हुँदै आएको छ । लगानीकर्ता मौद्रिक नीतिको पर्खाइमा रहेकाले सेयर बजारमा परिसूचक र कारोबार रकम अपेक्षित रूपमा बढ्न नसकेको ब्रोकरहरूले जनाएका छन् ।

कारोबार रकम घटे पनि आइतबार नेप्से परिसूचक भने १.३५ अंकले सकारात्मक छ । गत बिहीबारको तुलनामा यो ०.११ प्रतिशतले कम हो । उक्त दिन बैंक तथा वित्तीय संस्था र बिमा कम्पनीहरूको सेयर मूल्य केही बढेपछि समग्र नेप्सेमा सामान्य सुधार देखिएको हो । उक्त दिन बैंकिङ समूहको परिसूचक ०.१८, विकास बैंकको ०.१६, वित्त कम्पनी ०.५६ र बिमा समूहको परिसूचक ०.३७ प्रतिशतले बढे । तर, होटल, जलविद्युत्, ‘अन्य’ र लघुवित्त समूहका परिसूचक घटे ।

नेप्सेको वर्गीकरणमा ‘क’ वर्गमा रहेका कम्पनीहरूको कारोबार मापक सेन्सेटिभ परिसूचक ०.११ प्रतिशत र व्यापारमा रहेका सबै कम्पनीहरूरुको कारोबार मापक फ्लोट परिसूचक ०.२१ प्रतिशतले सकारात्मक रहयो ।