बैंकमा ढुकुटी रित्तियो, भुक्तानी न्यून

कान्तिपुर संवाददाता

डोल्पा(दुनै) — असार मसान्त लागेर भुक्तानी अन्तिम चरणमा पुगेको बेला डोल्पाका बैंकका लागि आवश्यक राष्ट्र बैंकको ढुकुटी खाली हुँदै गएको छ ।

जसले गर्दा टाढाटाढाबाट दुनै पुगेका उपभोक्ताहरुले भुक्तानी पाएनन् ।

Yamaha

नेपाल बैंक डोल्पामा रहेको नेपाल राष्ट्र बैंकको ढुकुटी रित्तिदै गएकाले चार दिनदेखि ५ लाख भन्दा बढीका चेकहरु भुक्तानी दिन नसकिएको नेपाल बैंक लिमिटेड डोल्पाका प्रबन्धक बेद धरालाले बताए ।

मौसमको खराबीका कारण हप्तादेखि राष्ट्र बैंकबाट आउन तयार रहेको रुपैयाँको चाटर आउन नसकेका कारण पैसाको अभाव सिर्जना भएको हो । बैंकमा रकम न्यून स्टकका कारण भुक्तानी लिने उपभोक्ताहरुमा मर्का परेको सिटिजन्स बैंक डोल्पाका शाखा प्रबन्धक जग भण्डारीले बताए ।

बैंकमा रकम नभएकाले अपाङ्ग बालबालिकाहरुको छात्रावृद्धिको रकम निकाल्न नसकिएको मुकुटेश्वर अपाङ्ग सेवा समिति डोल्पाका अध्यक्ष चन्द्रबहादुर रोकायाले बताए । बैंकमा रकम नभएर भुक्तानी नहुँदा तीनदिन देखि दुनैमा बस्न बाध्य भएको जगदुल्ला गाउँपालिका छांचुकी धनरुपा बोहोराले बताइन् ।

असारको अन्तिम भएकाले उपभोक्ताहरुले पाएको भुक्तानीको रकम झिक्न पाएका छैनन् । त्यसैगरी असार मसान्तका सँगसँगै यार्चाकुन्भु खरिद विक्रीको समय भएकाले धेरै व्यापारीहरुले रकम झिक्न नपाउँदा कारोबारमा समस्या आएको बताएका छन् ।

प्रकाशित : असार २१, २०७५ १८:३५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

डा. केसीद्वारा सरकारी चिकित्सा टोली अस्वीकार

अतुल मिश्र

काठमाडौँ — प्रा.डा. गोविन्द केसीले सरकारी टोलीसँग स्वास्थ्य उपचार गराउन अस्वीकार गरेका छन् । स्वास्थ्य मन्त्रालय सचिवस्तरको निर्णय अनुसार वीर अस्पतालका वरिष्ठ फिजिसियन डा.जीवन थापा र एनेस्थेसिया एण्ड क्रिटिकल केयर स्पेसलिस्ट डा.सुवास रेग्मीलाई केसीको उपचारका लागि जुम्ला पठाइए पनि उनले अस्वीकार गरेका हुन् ।

वीर अस्पतालका निर्देशक डा. भूपेन्द्र बस्नेतले हाल दुवै चिकित्सक जुम्ला पुगिसकेको बताए । तर, कर्णाली स्वास्थ्य विज्ञान प्रतिष्ठानका मेडिकल डाइरेकटर डा.पुजन रोकायाले डा.केसीले सरकारी टोलीलाई अस्वीकार गरेको बताए ।

‘म १४ पटक अनशन बस्दा जस्तै यहाँ स्याहार पाएको छु, यहाँको टोलीमा मलाई विश्वास छ, तपाईहरुको आवश्यकता छैन फर्के हुन्छ भनेर सरले सरकारी चिकित्सा टोलीलाई भन्नुभयो’, डा.रोकायाले कान्तिपुरसँग भने ।

हाल उनको शरीरमा रोग प्रतिरोधक क्षमता कम भएकोले अन्य संक्रमणको सम्भावना समेत बढेको छ । आमरण अनशनको छैटौं दिन बिहीबार टोटल ब्लड काउन्ट तीन हजारमा झरेको छ भने किटोन पोजेटिभ देखिएको छ ।

प्रकाशित : असार २१, २०७५ १७:५८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT