लसुनले भाउ पाएन

हरि गौतम

रुकुम पश्चिम — मूल्य नपाएपछि यहाँको एउटै वडाको तीन सय क्विन्टल लसुन बिक्री भएको छैन । मुसीकोट नगरपालिका १० का किसानले उत्पादन गरेको लसुन उचित मूल्य नपाएपछि बिक्री नगरेका हुन् ।

गत वर्षको तुलनामा यो वर्ष लसुनले मूल्य पाएको छैन । व्यापारीहरूले गत वर्षको भन्दा ४० रुपैयाँ कम मूल्यमा लसुन किन्छौं भनेपछि किसानले लसुन बेचेका छैनन् । गत वर्ष प्रतिकिलो १ सय २० रुपैयाँमा लसुन बिक्री गरेका किसानले यो वर्ष ८० रुपैयाँमा मात्रै लसुन बिक्री गर्न मानेका छैनन् । ‘८० रुपैयाँले हाम्रा लागत नै उठ्दैन कसरी बिक्री गर्नु,’ लसुन उत्पादक किसान झुपलाल खड्काले भने, ‘एकैपटक ठूलो अन्तरमा घटाइएको मूल्यमा हामी कसैले लसुन बिक्री गर्न सकेका छैनौं ।’

विभिन्न टोलमा उत्पादन भएको तीन सय क्विन्टल लसुन किसानको घरमै थन्किएको छ । समयमै लसुन बिक्री नभएर खराब भएर जाने भन्दै किसान चिन्तित बनेका छन् । अर्का किसान खम्बुबहादुर खड्काले घाटा हुने भएपछि कसैले पनि लसुन नबेचेको बताए । ‘हाम्रो यो चुन र गलम्पाटी टोलमा घरघरै लसुन उत्पादन भएको छ,’ उनले भने, ‘व्यापारीले तोकेअनुसार हाम्रो दु:ख उठदैन । त्यसैले हामी कसैले लसुन बेचेका छैनौं ।’ उनले आफू र झुपलाल खड्काले ५०/५० क्विन्टल लसुन उत्पादन गरेको जानकारी दिए ।

Yamaha

१० नम्बर वडाका करिब ४० घरधुरीले लसुन उत्पादन गरेका छन् । एउटा घरमा २ देखि ५० क्विन्टलसम्म लसुन थन्किएको वडा अध्यक्ष गोपेश्वर केसीले बताए । ‘यस विषयमा नगर कार्यपालिकामा पनि छलफल भएको थियो,’ उनले भने, ‘नगर कार्यपालिकाले प्रमुख प्रशासकीय अधिकृत माधवप्रसाद शर्मालाई बजार पहिचान गर्ने जिम्मा दिएको छ ।’

हालसम्म पनि लसुनको उचित मूल्य दिने बजार नभेटिएको अध्यक्ष केसीले बताए । यातायात सेवा नहुँदा पनि किसानले थप हैरानी व्यहोर्नुपरेको उनको भनाइ छ ।

Esewa Pasal

प्रकाशित : भाद्र ८, २०७५ ०७:४९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

प्रोबायोटिकका उत्पादन ‘अयोग्य’

कान्तिपुर संवाददाता

काठमाडौँ — प्रोबायोटिक इन्डस्ट्रिज प्रालिबाट उत्पादित खाने तेल ‘खान अयोग्य’ भएको फेला परेको छ । उद्योग वाणिज्य तथा आपूर्तिमन्त्री मातृका यादवले आकस्मिक निरीक्षण गर्दा उक्त उद्योगको तेल गुणस्तरहीन फेला परेको हो ।

‘निरीक्षणका क्रममा उद्योगबाट उत्पादित तोरी, भटमास र सूर्यमुखीको प्रशोधित तेलको नमुना र उत्पादनका निमित्त आवश्यक पर्ने अप्रशोधित तेलको नमुना संकलन गरेका थियौं,’ बिहीबार मन्त्रालयमा आयोजित पत्रकार सम्मेलनमा सहसचिव एवं प्रवक्ता नवराज ढकालले भने, ‘संकलित नमुना गुणस्तर तथा नापतौल विभागको प्रयोगशालामा परीक्षण गर्दा खान अयोग्य भेटियो ।’

सनफ्लावर, भटमास र तोरीको तेल अयोग्य भएकाले थप कारबाही अघि बढाएको मन्त्रालयले जनाएको छ । ‘उद्योग हेर्दा साह्रै सफा थियो । कैफियत छ जस्तो लागेको थिएन,’ पत्रकार सम्मेलनमा मन्त्री यादवले भने, ‘तर, परीक्षणका क्रममा कैफियत फेला पर्‍यो । उद्योगलाई उपभोक्ता संरक्षण ऐन २०५४ अनुसार कारबाहीका लागि अघि बढाएका छौं ।’

विभागका महानिर्देशक विश्वबाबु पुडासैनीका अनुसार सनफ्लावर तेलमा एसिड भ्यालु अधिकतम ० दशमलव ४ प्रतिशत हुनुपर्नेमा ० दशमलव ६ प्रतिशत भेटिएको थियो । भटमासको तेलमा प्रिफयाक्ट्रिज एसिड ० दशमलव २५ हुनुपर्नेमा ० दशमलव २ मात्रै थियो ।

तोरीको तेलमा सपलिकेसन भ्यालु १६८ देखि १७६ हुनुपर्नेमा १९३ पाइएको थियो । चाडबाड नजिकिएकाले अनुगमन थप प्रभावकारी बनाइने बताए । ‘चाडबाड आएको छ । गृह, कृषि, आपूर्ति मन्त्रालयको एकबद्धता छ ।

प्रकाशित : भाद्र ८, २०७५ ०७:४८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT