१० तोला सुन निमेषलाई
काठमाडौँ — कान्तिपुर पब्लिकेसन्सको ‘कान्तिपुर स्वर्णपुर २’ ग्राहक योजनाका १० तोला सुन विजेता वसुन्धाराका निमेष नेम्बाङ लिम्बुलाई हस्तान्तरण गरिएको छ ।
नेपाल साप्ताहिकका सहायक सम्पादक वसन्त बस्नेतले लिम्बुलाई मंगलबार १० तोला सुनको सिक्री हस्तान्तरण गरेका हुन् ।
पब्लिकेसन्स वितरण विभागका अनुसार ‘कान्तिपुर स्वर्णपुर २’ ग्राहक योजनामा बम्पर उपहार एक किलो सुन, हरेक महिना १० तोला सुन र हरेक हप्ता एक किलो चाँदीसहित अन्य योजनाहरू ल्याइएको छ ।
ग्राहक योजनाअन्तर्गतको विजेता हरेक महिना ‘लक्की ड्र’ मार्फत चयन गर्ने गरिने गरेको छ । योजनाको तेस्रो महिनाअन्तर्गत साउन महिनाका विजेता लिम्बुलाई सुन हस्तान्तरण गरिएको हो । हरेक साता एक किलो चाँदी पनि वितरण गर्ने गरिएको छ । देशभरका ग्राहहरूमध्ये ‘लक्की ड्र’ मार्फत विजेता चयन गर्ने गरिएको छ ।
प्रकाशित : भाद्र २१, २०७५ ०८:२२