नयाँ विमानकाे लुक्ला परीक्षण सफल
काठमाडौँ — नेपाल वायु सेवा निगमले दुर्गम भेगका लागि ल्याएकाे चिनियाँ विमान वाई–टुएल्भ–ईले लुक्लामा परीक्षण उडान सफल गरेको छ । मंगलबार बिहान निगमका प्रशिक्षक पाइलट आङनुरी शेर्पा र क्याप्टेन उद्धव घिमिरेले उडान गरेका हुन ।
चीनबाट ल्याएको सानो विमान वाई–टुएल्भ–ईले पहिलो पटक सोमबार रामेछापमा परीक्षण उडान गरेकाे थियाे ।
बिहान ६ बजेर ३० मिनेटमा त्रिभुवन अन्तरराष्ट्रिय विमानस्थलबाट उडेकाे उक्त विमान ३७ मिनेटमा लुक्ला पुगेकाे थियाे ।
नागरिक उड्डयन प्राधिकरणबाट दुई दर्जन हाराहारी आन्तरिक रुटमा उडान अनुमति लिएको निगमले चाडपर्वलाई लक्षित गर्दै ७ वटा विमानले आन्तरिक उडान गर्ने भएको छ ।
यो विमानबाट जोमसोम र कर्णालीमा पनि परीक्षण उडान गर्ने निगमले तयारी गरेको छ ।
प्रकाशित : आश्विन ९, २०७५ ०८:५३प्रतिक्रिया
