युएईमा मैत्रीपुर्ण फुटवल प्रतियोगिता 

कान्तिपुर संवाददाता

काठमाडौँ — गैरआवासीय नेपाली संघ, युएईद्वारा आयोजित अन्तरसमाज मैत्रीपुर्ण फुटवल प्रतियोगिताको उपाधी तमु समाजले जितेको छ । 

दुवईस्थित सफा पार्कमा सम्पन्न खेलको फाइनल खेलमा तमु समाजले नवलपरासी समाजलाई शुन्यको विरुद्व एक गोल गर्दै मैत्रीपुर्ण उपाधी जितेको हो । तमुले एक हजार र नवलपरासीले ५ सय दिराम पुरस्कार पाएको थियो ।

Yamaha

एनआरएन, युएईका अध्यक्ष रमेश श्रेष्ठले युएईमा क्रियाशील नेपाली समाजवीच आपसी सम्बन्ध र भाइचाराको सम्बन्ध प्रगाढ वनाउने उद्देश्यले फुटवल प्रतियोगिता गरेको वताए । खेलमा १८ वटा समाजले सहभागी जनाएका थिए ।

खेलकुद संयोजक नविन पौडेलको संयोजकत्वमा सम्पन्न खेलको वेस्ट प्रेसिडेन्ट प्लेयर अवार्ड फर्सी समुहका अध्यक्ष सूर्य गिरीले पाए । म्यान अफ द म्याच फर्सीकै सुरज प्रधान घोषित भए । खेलमा सवैभन्दा बढी ६ गोल गरेका तमुका अरुण गुरुङले उच्च स्कोररको उपाधि पाए ।

खेलको हेर्न आबुधावीबाट दुवई पुगेका नेपाली दूतावासका द्वितीय सचिव कृष्ण अर्यालले प्रवासमा हुने यस्ता प्रतियोगिताले समाजलाई चलयमान वनाइराख्न महत्वपुर्ण भुमिका हुने वताए ।

Esewa Pasal

प्रकाशित : चैत्र ११, २०७४ १४:४९
प्रतिक्रिया
पठाउनुहोस्

स्मिथलाई कप्तानबाट हटाउ : अस्ट्रेलिया सरकार

एएफपी

सिड्नी — दक्षिण अफ्रिकाविरुद्ध जारी तेस्रो टेस्ट अन्तर्गत शनिबार अस्ट्रेलियाका क्यामरन ब्यानक्रफ्टले बल टेम्परिङ गरेको स्विकारेसँगै क्रिकेट जगतमा हलचल मच्चिएको छ ।

तेस्रो दिनको खेलपछि कप्तान स्मिथले पत्रकार सम्मेलनमा पनि गल्ति स्विकारेका छन् ।

यस घटनाक्रमले विश्व क्रिकेटमा चर्चा बटुलिरहेको छ । क्रिकेटसँग सम्बन्धित व्यक्तित्वले यस कार्यको भर्त्सना गरेका छन् । यसैक्रममा अस्ट्रेलियाका प्रधानमन्त्री माल्कम टर्नबुलले घटना निराशाजनक रहेको बताए । 'आज बिहान यस्तो नराम्रो खबर सुन्नु पर्दा हामी सबै आश्चर्यचकित भएका छौं । अस्ट्रेलियाली टोली यस्तो घटनामा संलग्न भएको सुन्दा विश्वास लागिरहेको छैन,' टर्नबुलले भने ।

उनले क्रिकेट अस्ट्रेलियाका अध्यक्ष डेविड पिवरसँग वार्तालाप गरेर यस विषयमा गहन छलफल गरेको बताए । 'यो क्रिकेट अस्ट्रेलियाको जिम्मेवारी हो । तर, यो घटनाले हामी सबैलाई निराश तुल्याएको छ । सम्बन्धित संस्थाले छिट्टै उचित निर्णय लिनेमा म विश्वस्त छु,' उनले थपे ।

अस्ट्रेलिया स्पोर्टस कमिसनका अध्यक्ष जोन विलीले टोलीविरुद्ध कडा कारवाही गर्न संघलाई निर्देशन दिइसकेको बताए । 'कप्तान स्मिथले आफैं गल्ती स्विकारेका छन् । कमिसनले कप्तान स्मिथ र यसमा सम्बन्ध राख्ने अन्य नेतृत्वमा रहेका खेलाडी र पदाधिकारीलाई पदमुक्त गर्न आदेश दिएको छ,' उनले भने ।

प्रकाशित : चैत्र ११, २०७४ १४:०२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT