कतारमा अन्तर्राष्ट्रिय नेपाली मुस्लिम समाज गठन
काठमाडौँ — अन्तर्राष्ट्रिय नेपाली मुस्लिम समाजले कतारमा मोहम्मद मुक्तदा मुसलमानको नेतृत्वमा २१ सदस्यीय नयाँ कार्यसमिति गठन गरेको छ ।
कतारमा कार्यरत नेपाली मुस्लिम समुदायको एक भेलाले मुसलमानको नेतृत्वमा कार्यसमिति वनाएको हो । भेलाले उपाध्यक्षत्रय अब्दुल करिम मियाँ, अख्तर हुसैन गद्दी, मौलाना अब्दुल खालिक, महासचिव मोहम्मद मजिद मियाँलाई चयन गरेको छ । त्यस्तै सचिवद्वय अलिबाबु पौडेल र मोहम्मद तनवीर आलम, महिला संयोजक अमिना खान, कोषाध्यक्ष सोहैल अख्तर अन्सारी र सहकोषाध्यक्ष रहमत हुसैन लगायत छन् ।
भेलाले करिमबक्स मियाँको संयोजकत्वमा सात सदस्सीय सल्लाहकार समिति चयन गरेको छ । जसमा वरिष्ठ सल्लाहकार मोहम्मद हुसैन खान, सल्लाहकारहरु मोहम्मद अजीज अली, मोहम्मद याकुव राईन, मौलाना अयुब अली र अब्दुल बासीद रहेका छन् । नयाँ कार्यसमिति सार्वजनिक गर्न आयोजित कार्यक्रममा वोल्दै अध्यक्ष आलामले नेपाली मुस्लिम समुदायको हितको लागि आफुहरु प्रवासमा सक्रिय रहने वताए ।
कार्यक्रमका प्रमुख अतिथि अन्तराष्ट्रिय मुस्लिम समाजका संयोजक रमजान अली मियाँले खाडीका अन्य देशमा छिट्टै नेपाली मुस्लिम समुदायलाई संगठीत गर्ने कार्य भइरहेको वताए । ‘हामी प्रवासमा छौ । प्रवासमा रहेका नेपाली मुस्लिमले आफ्नो मुलुकको हितको लागि आआफ्नो तहबाट योगदान पर्याउनुपर्छ,’ उनले भने, ‘हामी यसैको लागि अग्रसर भएका हौं ।’
कार्यक्रममा अब्दुल करिम मियाँ, हुसैन खान, मोहम्मद अजीज अली, अमिना खान लगायतकाले शुभकामना दिएका थिए ।
प्रकाशित : चैत्र १३, २०७४ १२:३०